A Universidade de Vigo é consciente do valor xerado nas convocatorias de retención de talento nos derradeiros anos, e que lle interesa reter investigadores e investigadoras posdoutorais. Si ben estes dous derradeiros anos foron extraordinarios para a convocatoria de Retención de Talento. A inclusión dos programas posdoutorais María Zambrano e Margarita Salas supuxo unha cantidade de solicitudes excepcional en comparación cos anos anteriores. Por isto, a presente convocatoria ten como obxectivo a realización dun proceso selectivo para a contratación como persoal laboral temporal de investigadoras ou investigadores doutoras/es, que cumpriran cos requisitos na convocatorias de retención de talento da Universidade de Vigo do ano 2024 ou a do ano 2025.

1. Ser persoal investigador que cumprira os requisitos da convocatoria de retención de talento da Universidade de Vigo no ano 2024 e do ano 2025.
2. Dispoñer da acreditación da ANECA ou da ACSUG como profesor/a contratado/a doutor/a (PCD) ou profesor/a permanente laboral (PPL) ou ben como profesor/a titular de universidade (TU).
3. Presentar a acreditación R3/I3, no caso de posuíla (non é un requirimento excluínte).
4. Non ter avaliación negativa na convocatoria correspondente ao seu contrato.

O prazo de presentación de solicitudes estará aberto dende o 27 de novembro ata o 12 de decembro de 2025.

Documentación detallada na base sétima da convocatoria.

As persoas que xa entregaran esta documentación ao presentar a solicitude para o Programa de Retención de Talento de 2024 e de 2025 non necesitan volver a presentala, salvo que desexen facer algunha modificación.

Criterios de avaliación sinalados na base quinta da convocatoria.