Esta convocatoria ten por obxecto conceder bolsas destinadas a sufragar unha parte dos prezos públicos da matrícula do curso de formación en Introdución a bolsa no curso académico 2025/2026.

A contía individual será do 50% do prezo de matrícula do curso e cun importe máximo de 50€. Esta contía está suxeita á retención de IRPF que estableza a normativa vixente nesta materia.

Pode solicitar bolsa o estudantado que cumpra os seguintes requisitos:

1. Estar matriculado nalgunha titulación de grao ou máster universitario da Universidade de Vigo no curso 2025/2026
2. Estar matriculado na edición do ano 2025 do Curso de Formación en Introdución á bolsa.
3. Non pertencer a ningunha das categorías laborais da universidade (só estudantes)

O prazo de presentación das solicitudes comeza o día seguinte da publicación desta convocatoria e finaliza o 10 de decembro de 2025 ás 23:59 horas (hora peninsular española).

Así mesmo deberán subir a seguinte documentación

• Certificación académica dos estudos realizados no caso de que se realizasen nunha universidade distinta á de Vigo.

OBRIGAS

A persoa beneficiaria deberá:

• Obter unha cualificación de APTO na edición do ano 2025 do Curso de Formación en Introdución á Bolsa.