Obxecto:

Facilitar o desenvolvemento de prácticas para estudantes universitarios con discapacidade, que inclúa a realización de prácticas académicas externas remuneradas, facilitando o seu acceso a unha primeira experiencia laboral e mellorando así a súas oportunidades laborais e a súa carreira profesional

Duración:

As prácticas terán unha duración de 3 meses consecutivos, e poderán desenvolverse desde o día seguinte á publicación da resolución de concesión das bolsas por parte da Universidade ata o 31 de outubro de 2026, agás no caso de estudantado que finaliza estudos que deberá rematar as prácticas antes da presentación da solicitude de título e, en todo caso antes do 31 de agosto de 2026.

O horario será de 25 horas semanais 

Contía:

O importe da bolsa ascende a un máximo de 600 € euros brutos mensuais durante 3 meses. Estará suxeita á retención do IRPF e ás obrigas de cotización á Seguridade Social (cota obreira) que estableza na normativa vixente nestas materias.

1. Ter unha discapacidade legalmente recoñecida igual ou superior ao 33% polo organismo competente da comunidade autónoma. Así mesmo e de xeito excepcional para este procedemento, admitirase acreditación a través de resolución de incapacidade do INSS (Instituto Nacional da Seguridade Social).
2. Estar matriculado/a en centros propios ou adscritos da Universidade de Vigo en titulacións oficiais de grao ou máster universitario no curso 2025/2026.
3. No caso de matrícula en titulacións de grao, ter superado ata o curso 2024/2025, o 50% dos créditos dos estudos de grao.

A solicitude realizarase a través do formulario en liña dispoñible na secretaría virtual da Universidade https://secretaria.uvigo.gal/uv/web/bolsas/convocatorias/index  / Bolsa prácticas ONCE_CRUE

O modelo específico de presentación de solicitudes é de uso obrigatorio para os interesados neste procedemento (art. 66.6 da Lei 39/2015 do 1 de outubro, do procedemento administrativo común das administracións públicas). Se algunha das persoas interesadas presenta a súa solicitude de xeito presencial, solicitaráselle que a presente de xeito electrónico.

Así mesmo deberán rexistrarse na plataforma da ONCE https://becas.fundaciononce.es/paginas/becaspracticasoncecrue.aspx

O prazo de presentación de solicitudes comeza o día seguinte a publicarse esta convocatoria e rematará 10 de decembro de 2025 ás 23:59 horas (hora peninsular española).

IMPORTANTE: É PRECISO FACER A SOLICITUDE NOS DOUS ENLACES