A Universidade de Vigo considera de vital importancia promover unha conciencia sobre as alteracións e malestares derivados da experiencia académica que afectan á saúde mental, motivo polo que leva a cabo este proxecto piloto coa intención de valorar as posibilidades de pór en marcha no futuro un desenvolvemento adecuado do mesmo. Neste senso é fundamental recordar que o benestar psicolóxico resulta determinante para o desenvolvemento integral da persoa e o seu éxito laboral futuro.

Esta convocatoria ten por finalidade regular o protocolo en materia de acompañamento psicolóxico ao estudantado da Universidade de Vigo con dificultades derivadas das actividades académicas.

Este programa inclúe á asistencia a 3 sesións de atención psicolóxica totalmente gratuitas para o alumnado da Universidade de Vigo que cumpla cos requisitos seguintes.

Requisitos:

• Ser estudante dun grao da Universidade de Vigo con matrícula no curso actual 2025/2026.
• Ser o segundo ou terceiro ano que realiza matrícula de grao nesta universidade.

Quedan excluídas desta convocatoria as solicitudes que se realicen para a inclusión no Programa de Integración de Universitarias/os con Necesidades Especiais (Piune), programa que conta cunha normativa e procedemento propios.

Cumprimentar o formulario a través do seguinte enlace: 

https://secretaria.uvigo.gal/uv/web/formularios/encuesta/cubrir_paso1/14820

Prazo de solicitudes: 3 ao 10 de novembro de 2025