OBXECTO:

Estas axudas a deportistas de elite da Universidade de Vigo teñen por obxecto apoiar a participación de estudantes universitarios/as que destacan na actividade deportiva nacional ou internacional e que ao tempo contribúen a proxectar os valores propios da propia universidade.

Concederanse un máximo de dúas axudas destinadas a financiar o custo das actividades desenvolvidas no marco das competicións.

Poderá solicitar axuda o estudantado que cumpra os seguintes requisitos:

1. Posuír nacionalidade española, nacionalidade comunitaria acreditando a residencia continuada, ou extracomunitaria acreditando a residencia legal en España no prazo de presentación de solicitudes (non é suficiente o permiso de estadía por estudos).
2. Estar matriculado/a no curso académico 2025/2026 en titulacións de grao, máster universitario ou doutoramento na Universidade de Vigo.
3. Ter participado nos anos 2024 e/ou 2025 nalgunha das seguintes competicións:

• • ámbito federado: campionatos mundiais, campionatos de Europa ou campionatos de España.
  • ámbito universitario: xogos mundiais ou campionatos mundiais da FISU.

Non poderán ter a condición de beneficiario/a as persoas nas que concorra algunha das circunstancias establecidas no artigo 13.2 da Lei 38/2003, de 17 de novembro, xeral de subvencións.

SOLICITUDE:

As persoas solicitantes deberán empregar o formulario en liña dispoñible na secretaría virtual da Universidade de Vigo no seguinte enlace https://secretaria.uvigo.gal/uv/web/formularios/encuesta/cubrir_paso1/14808, descargalo e presentalo na sede electrónica da Universidade de Vigo (https://sede.uvigo.gal) a través da instancia xenérica estudantes (SXER) existente na sede (enlace) poñendo como asunto “Axudas a deportistas de elite 25/26” achegando so o formulario de solicitude

O prazo de presentación das solicitudes comeza o día seguinte da publicación  desta convocatoria e finaliza o 15 de outubro de 2025 ás 23:59 horas (hora peninsular española).

DOCUMENTACIÓN:

No formulario en liña achegarase a seguinte documentación:

1. Documentación acreditativa da participación en competicións mundiais universitarias da FISU e nas competicións oficiais federadas de ámbito nacional, europeo ou mundial.
2. Proxecto deportivo de preparación encamiñada á participación nunha competición mundial oficial de ámbito universitario ou nunha competición oficial federada de ámbito europeo ou mundial no ano 202 Dito documento incluirá unha secuencia temporal dos fitos intermedios máis relevantes na preparación, sendo a súa extensión máxima de 10 páxinas.
3. Informe da Federación Galega ou Española correspondente que avale o proxecto.
4. No caso de non ter nacionalidade española, xunto coa solicitude deberá presentar:

• • No caso de estudantado comunitario deberá presentar documento do Rexistro de cidadán/á da Unión Europea
  • No caso de estudantado extracomunitario deberá presentar a tarxeta de identificación de estranxeiro/a na que conste o permiso de residencia (non é suficiente co permiso de estadía por estudos).

Enlace ao taboleiro

Prazo de alegacións a partir do día seguinte ó da publicación desta resolución e ata o día 3 de novembro ás 23:59 horas (hora peninsular española) para, de ser o caso, emendar os erros, as causas de exclusión e a falta de documentación. Para tal fin, deberán empregar o formulario de alegacións existente na secretaría virtual.