A presente convocatoria ten como obxectivo a realización dun proceso selectivo para a contratación como persoal laboral temporal de investigadoras ou investigadores doutoras/es, que tiveran desenvolvido a súa actividade investigadora postdoutoral na Universidade de Vigo no cadro de determinados programas competitivos internacionais, nacionais e autonómicos.

1. Ser ou ter sido persoal investigador a tempo completo da Universidade de Vigo na modalidade Marie Curie Individual Fellowship, Contratos de proxectos de Jovenes Investigadores do Ministerio (JIN), Margarita Salas, María Zambrano, Juan de la Cierva-Incorporación, axudas postdoutorais da Xunta de Galicia na modalidade B e que a data de finalización do seu contrato ou prórroga estea comprendida entre o 1 de xaneiro de 2025 e o 31 de decembro de 2025.
2. Dispoñer da acreditación da ANECA ou da ACSUG como profesor/a contratado/a doutor/a (PCD) ou profesor/a permanente laboral (PPL) ou ben como profesor/a titular de universidade (TU).
3. Presentar a acreditación R3/I3, no caso de posuíla (non é un requirimento excluínte).
4. Non ter avaliación negativa na convocatoria correspondente ao seu contrato.

Non poderán participar aquelas persoas que finalizasen voluntariamente a súa relación contractual coa Universidade de Vigo antes da data de remate do prazo de presentación de solicitudes.

O prazo de presentación de solicitudes estará aberto dende o 8 ata o 26 de setembro de 2025.

Documentación detallada na base sétima da convocatoria.

Criterios de avaliación sinalados na base quinta da convocatoria.