Os premios para estudantado que inicia estudos de grao ou máster teñen por obxecto incentivar a cultura do mérito e a excelencia, a través do recoñecemento ao estudantado cos mellores resultados académicos nos estudos previos ao seu ingreso na titulación.

Categoría A: convócanse 105 premios destinados ao estudantado que inicia estudos de Grao.

Categoría B: convócanse 35 premios destinados ao estudantado que inicia estudos de Máster universitario. 

• Posuír nacionalidade española, nacionalidade comunitaria acreditando a residencia continuada, ou extracomunitaria acreditando a residencia legal en España no prazo de presentación de solicitudes (non é suficiente o permiso de estadía por estudos).

No caso do estudantado que inicia estudos de Grao

1. 1. Estar matriculado no curso 2025/2026 por primeira vez en estudos de Grao en centros propios da Universidade de Vigo ou en centros adscritos de titularidade pública que imparten titulacións non impartidas en centros propios (Enfermaría Ourense, Enfermaría Pontevedra e Enfermaría Meixoeiro).
   2. Ter finalizado os estudos de bacharelato ou ciclo superior no curso 2024/2025.
   3. Obter unha nota media do expediente igual ou superior a 8 puntos no Bacharelato ou no Ciclo Superior de formación profesional.

No caso de estudantado que inicia estudos de Máster universitario

1. 1. Estar matriculado no curso 2025/2026 por primeira vez en estudos de máster universitario en centros propios da Universidade de Vigo.
   2. Obter unha nota de acceso aos estudos de máster igual ou superior a 7 puntos calculada según o RD 1125/2003.

Non poderán ter a condición de beneficiario/a as persoas nas que concorra algunha das circunstancias establecidas no artigo 13.2 da Lei 38/2003 xeral de subvencións, de 17 de novembro.

SOLICITUDE:

As persoas solicitantes deberán encher o formulario en liña dispoñible na Secretaría Virtual da Universidade https://secretaria.uvigo.gal/uv/web/bolsas/convocatorias/index  Santander Axuda económica 2025 -excelencia inicio grao e máster e inscribirse na web do Santander https://app.santanderopenacademy.com/es/program/ayuda-economica-2025

DOCUMENTACIÓN:

Deberán subir a seguinte documentación ao formulario en liña:

1. a) no caso de estudantado que inicia estudos de Grao

• • Certificación académica do Bacharelato ou Ciclo Superior, con nota media.
  • No caso de estudos estranxeiros de bacharelato, declaración de equivalencia da nota media.

1. b) no caso de estudantado que inicia estudos de Máster

• • certificación académica dos estudos que lle dan acceso de ser cursados nunha universidade distinta á de Vigo
  • declaración de Equivalencia de Nota media de estudos cursados en universidades estranxeiras solicitada ao Ministerio de Educación y Formación Profesional a través do seguinte enlace:

https://universidades.sede.gob.es/pagina/index/directorio/Equivalencia_notas_medias

1. c) O estudantado que non teña nacionalidade española

• • documento do Rexistro de cidadán/á da Unión Europea.
  • tarxeta de identificación de estranxeiro/a na que conste o permiso de residencia (non é suficiente co permiso de estadía por estudos) de cidadán/a extracomunitario.

PRAZO:

O prazo de presentación de solicitudes comezará o día seguinte a publicarse esta convocatoria e rematará o 15 de outubro de 2025 ás 23:59 horas (hora peninsular española). 

Enlace ao taboleiro

Prazo de alegacións a partir do día seguinte ó da publicación desta resolución e ata o día 5 de novembro ás 23:59 horas (hora peninsular española) para, de ser ocaso, emendar os erros, as causas de exclusión e a falta de documentación. Para tal fin deberán empregar o formulario de alegacións existente na secretaría virtual.