OBXECTO

Esta bolsa ten por obxecto facilitar ás persoas en situación de refuxio e indicadas no punto 2.a) das bases da convocatoria a realización de estudos universitarios oficiais.

PROCEDEMENTO DE CONCESIÓN

A bolsa regulada nesta Resolución reitoral ten carácter singular, polo que se autoriza a súa concesión directa en aplicación do previsto nos artigos 22.2.c) e 28 da Lei 38/2003, de 17 de novembro, xeral de subvencións, por concorrer razóns de interese público e social.

Os requisitos que se teñen en conta son:

1. Ter nacionalidade palestina e residir en Palestina ou ter a condición de refuxiada.
2. Estar admitida nunha titulación oficial de grao ou máster universitario da Universidade de Vigo.
3. Ter coñecemento do idioma español ou galego que permita o seguimento adecuado dos estudos.
4. Contar co aval dunha entidade social de referencia en materia de protección internacional.
5. Non posuír título en España en estudos do mesmo nivel para os que se obtén a bolsa.

Para acceder á condición de beneficiaria será imprescindible presentar a seguinte documentación:

1. Copia do pasaporte e do documento que a acredita como refuxiada nun pais limítrofe a Palestina.
2. A acreditación do idioma español.
3. A carta de aval da ONG de referencia
4. Os datos da conta bancaria en España da que deberá ser titular na que será ingresada a contía da bolsa.

No caso de non presentar a documentación entenderase que renuncia a subvención.

OBRIGAS

A persoa adxudicataria da bolsa quedará obrigada:
• A participar nas actividades académicas ao longo de todo o curso, entendendo como
tales a asistencia presencial a clase, a realización das probas e exames das materias nas
que se atopan inscritas e a participación responsable nas demais actividades orientadas
a completar a súa formación.
• Estar matriculada durante todo o curso académico.
• No caso de solicitar algunha outra subvención para a mesma finalidade deberá
comunicalo á Sección de Axudas e Bolsas.