OBXECTO

Estas bolsas teñen por obxecto contribuír a paliar os gastos ocasionados ao estudantado da Universidade de Vigo matriculado nos programas de doutoramento, con motivo da realización de viaxes e demais actividades incluídas na súa programación académica que impliquen desprazamento fora da Comunidade Autónoma de Galicia.

1. Estar matriculado na Universidade de Vigo no período de tutela de tese no curso académico 2024/25 nalgún dos programas de doutoramento da Universidade de Vigo.
2. Realizar durante o curso 2024/2025 a actividade (de acordo coa súa programación académica) que implique o desprazamento fora da Galicia para a asistencia ou presentación de comunicacións orais ou escritas ou proxectos creativos, en congresos, exposicións de creación artística, e reunións científicas, nacionais ou internacionais.
3. O desprazamento terá que estar finalizado antes do 01/11/2025, e non poderá conter períodos de baixa temporal no programa de doutoramento.
4. Contar co informe favorable da/s persoa/s directora/s da tese de doutoramento.
5. Ter aprobado pola CAPD o Plan de Investigación.
6. Para estudantado que ingresara no curso 2022/23 ou anterior, ter aprobadas pola CAPD as avaliacións anuais que pola súa situación lle sexan esixibles:
   • Con carácter xeral ter aprobada a avaliación anual do curso 2023/24.
   • Para estudantado que tivera períodos de baixa no programa de doutoramento, aplicarase unha condición equivalente considerando os seus períodos de alta no programa.

1. As persoas solicitantes deberán encher o formulario en liña no seguinte enlace https://secretaria.uvigo.gal/uv/web/formularios/encuesta/cubrir_paso1/14792 descargalo e presentalo na Sede Electrónica da Universidade de Vigo (https://sede.uvigo.gal) a través da instancia xenérica (SXER) existente na sede, e pór como asunto “Bolsas EIDO mobilidade doutoramento”, achegando unicamente o arquivo coa solicitude. 

   Así mesmo deberán inscribirse na web do Santander https://app.santanderopenacademy.com/es/program/ayuda-economica-para-personal-investigador-predoctoral-2025 .

De xeito excepcional para este procedemento, unicamente as persoas de nacionalidade extracomunitaria, poderán usar medios de acceso á sede electrónica alternativos, para o cal deberán iniciar o procedemento enviando un correo electrónico a estranxeiros@uvigo.gal antes de presentar a súa solicitude e con antelación suficiente ao día de peche do prazo de presentación.

2. O prazo de presentación das solicitudes será desde o día seguinte a publicarse esta convocatoria ata o 15 outubro de 2025 ás 23:59 horas (hora peninsular española).
3. No formulario en liña hai que subir a seguinte documentación (non hai que subir a documentación á sede electrónica):

• Descrición do desprazamento para o que solicita a bolsa (anexo II): desprazamento a realizar, lugar de destino, institución ou congreso/curso, duración do desprazamento, proposta da actividade a realizar no destino, e orzamento.

Esta proposta deberá contar co informe favorable da/s persoa/s directora/s da tese de doutoramento.

• No seu caso, copia doutras solicitudes de bolsa para o mesmo desprazamento ou asistencia que se tivesen presentado tanto en institucións, entidades ou fundacións públicas e privadas.
• De ser o caso, aceptación da súa comunicación por parte do congreso ou calquera outro documento que acredite a presentación.

Tamén se lles poderá requirir que acheguen outra documentación que resulte necesaria para a correcta avaliación de requisitos e méritos alegados. O feito de non achegar a documentación requirida será causa de exclusión.

As persoas beneficiarias das bolsas estarán obrigadas a:

• Destinar a axuda á finalidade para a que foi concedida.
• Enviar á Sección de Bolsas no prazo de un mes desde a finalización da actividade subvencionada a documentación que acredite a asistencia ao curso/congreso na que figuren as datas de inicio e fin.
• No caso de obter unha subvención para a mesma finalidade con posterioridade á solicitude da bolsa, as persoas beneficiarias deberán comunicalo por escrito á Sección de Axudas e Bolsas.

Establecer un prazo de alegacións a partir do día seguinte ó da publicación desta resolución e ata 
o día 12 de novembro ás 23:59 horas (hora peninsular española)

Para tal fin deberán empregar o formulario de alegacións existente na secretaría virtual.

Enlace ao taboleiro

Enlace ao taboleiro

Enlace ao taboleiro

Prazo de alegacións a partir do día seguinte ó da publicación desta resolución e ata o día 3 de decembro ás 23:59 horas (hora peninsular española). Para tal fin, deberán empregar o formulario de alegacións existente na secretaría virtual.