A metodoloxía de Aprendizaxe e Servizo (ApS) é unha proposta educativa que integra a aprendizaxe académica coa realización dun servizo solidario á comunidade. A través dela, o alumnado aplica os coñecementos adquiridos na aula para dar resposta a necesidades reais da contorna, promovendo unha formación integral que desenvolve tanto competencias académicas como valores sociais e cívicos. Baseada na reflexión crítica, na participación activa e no compromiso social, esta metodoloxía , que se concreta mediante proxectos estruturados no marco das materias das titulacións, convértese nunha ferramenta poderosa para o desenvolvemento persoal e colectivo.

Este curso 25-26 os proxecto poderán obter financiamento

REQUISITOS DAS PERSOAS PARTICIPANTES E DOS  PROXECTOS

-Só se pode participar nun único proxecto na mesma convocatoria.
-As iniciativas teñen que estar vencelladas ás materias que figuren no POD no curso académico 2025-26.
-A metodoloxía de Aprendizaxe – Servizo debe aparecer recollida na Guía Docente da materia especificando a porcentaxe que vai representar na avaliación.
-Todas as persoas que participen no proxecto terán que autorizar o tratamento de datos pola 

AXUDAS

1. Os fondos destinados a esta axuda irán con cargo á aplicación orzamentaria 202500EX121D22699, sendo o importe máximo do crédito orzamentario retido para esta convocatoria de 3600 € para o que se achega o correspondente certificado de existencia de crédito.
2. A contía máxima da axuda para cada proxecto concedido será de 600€ para proxectos anuais e 300 para proxectos cuadrimestral.
3. Poden aprobarse proxectos sen financiamento.

As solicitudes (anexo I e II) presentaranse a través da sede electrónica con destino áo Servizo de extensión Universitaria desde o día seguinte da publicación ata o 23 de xuño de 2025.
A persoa que presente unha candidatura deberá cubrir os documentos anexo I e anexo II publicados conxuntamente con esta convocatoria e presentalos, unha vez asinados como adxuntos a instancia xenérica (SXER) na sede electrónica da Universidade de Vigo (https://sede.uvigo.gal) indicando como asunto “Convocatoria ApS_ODS 2025-26”. Para a presentación electrónica deste procedemento, a sede electrónica da Universidade de Vigo dispón de instrucións de axuda que os/as solicitantes deberán observar en todo momento https://www.uvigo.gal/sites/uvigo.gal/files/contents/paragraph-file/202006/Guia_rexistro_instancia_xenerica_gl.docx.pdf.
No caso de dúbida, dificultades técnicas ou necesidade de máis información durante o proceso de presentación da solicitude, poderán dirixirse ao enderezo electrónico sede@uvigo.gal .

Maís informacion sobre a convocatoria de proxectos Aprendizaxe-Servizo no cadro dos ODS.

direc.equidade@uvigo.es

986130261