O obxecto desta convocatoria é fomentar a cultura emprendedora no estudantado universitario a través da realización de prácticas académicas, curriculares ou extracurriculares, nunha iniciativa empresarial de recente creación, de modo que poidan ver o emprendemento como unha oportunidade para o desenvolvemento do seu futuro profesional.

1. Posuír calquera nacionalidade e acreditar a residencia legal en España no prazo de presentación de solicitudes (non é suficiente o permiso de estadía por estudos).
2. Estar matriculado nunha das titulacións oficiais de grao ou de máster universitario no curso 2024/2025 da Universidade de Vigo.
3. No caso dos estudos de grao, deberán ter superados o 50% dos créditos ata o curso 2023/2024.

A solicitude realizarase a través do formulario en liña dispoñible na secretaría virtual da Universidade https://secretaria.uvigo.gal/uv/web/bolsas/convocatorias/index / Programa de prácticas académicas en iniciativas empresariais emerxentes.

No caso de non ter nacionalidade española deberá presentar documentación acreditativa da residencia legal en España.

Xunto coa solicitude a persoa solicitante poderá propor a iniciativa empresarial que cumpra os requisitos indicados na base 3 onde quere facer as prácticas, indicando os datos da iniciativa e as datas previstas da estadía (anexo II). No caso de que non propoña unha entidade, asignarase unha das iniciativas acorde co seu perfil que cumpra os requisitos recollidos na base 3 da convocatoria.

O prazo de presentación das solicitudes comeza o día seguinte de publicarse esta convocatoria e remata o 4 de xuño ás 23:59 horas (hora peninsular española).