OBXECTO

A presente convocatoria ten por obxecto promover a incorporación de estudantado interesado en iniciarse na carreira investigadora, facilitando a súa formación teórica e práctica, así como a adquisición de novas capacidades e destrezas que permitan o desenvolvemento da competencia investigadora no ámbito de traballo da Axenda Científica de ECOBAS.

Convócanse un máximo de 6 bolsas de iniciación á investigación en economía.

Pode solicitar bolsa o estudantado que cumpra os seguintes requisitos:

1. Estar matriculado no curso 2024/2025:

• na totalidade dos créditos do Máster Interuniversitario en Economía da Universidade da Coruña, Universidade de Santiago de Compostela e Universidade de Vigo;
• ou na totalidade de créditos que lle resten para finalizar o Grao de Economía ou Administración de Empresas na Universidade da Coruña, Universidade de Santiago de Compostela ou Universidade de Vigo.

2. No caso de estudantado de Grao ter superado ata o curso 2023/2024 180 créditos ECTS.

3. Ter unha nota de expediente académico, no caso de estudos de Grao, ata o curso 2023/2024, ou de acceso no caso de estudos de Máster universitario, igual ou superior a 7 puntos.

1. A certificación académica e xustificante de matrícula do curso 2024/25 do estudantado matriculado na USC e na UDC.
2. A acreditación do nivel de inglés.
3. A acreditación de formación en linguaxe de programación e de cálculos estatísticos (R, Phyton, Stata).
4. A acreditación de formación adicional no eido da economía e a empresa.

OBRIGAS

1. Destinar a bolsa á finalidade para a que foi concedida, para tal fin deberá colaborar na investigación e actividade científica proposta por ECOBAS ao longo de 45 días.
2. Achegar a bolsasformacion@uvigo.gal no prazo máximo de 10 días naturais seguintes á finalización da bolsa, unha memoria final das actividades realizadas durante todo o período da bolsa.
3. Seguir as normas de filiación a ECOBAS e identidade corporativa en todas as súas comunicacións e publicacións derivadas da súa produción científica.

Alegacións a partir do día seguinte ó da publicación desta resolución e ata o día 10 de xuño ás 23:59 horas (hora peninsular española) 

Formulario de alegacións