O obxectivo desta convocatoria é recoñecer, impulsar e incentivar a promoción de accións que se levan a cabo nos centros docentes da Universidade de Vigo e que persigan fomentar o desenvolvemento daquelas competencias e coñecementos do alumnado que teñan unha repercusión na mellora da súa empregabilidade.

O Distintivo de Empregabilidade consistirá nunha insignia para expoñela publicamente na facultade ou escola, terá unha vixencia de tres anos (2025-2027) e vai acompañado dunha contía económica de 2.000 euros que os decanatos ou as direccións dos centros poderán empregar para desenvolver máis actividades ou iniciativas para continuar co fomento da empregabilidade do seu estudantado.

Poden solicitar o Distintivo de Empregabilidade os equipos directivos ou decanais dos cenros propios da Universidade de Vigo.

Resolución Reitoral pola que se convoca a segunda edición do "Distintivo de Empregabilidade"