OBXECTO

Estas bolsas teñen por obxecto facilitar a aprendizaxe de linguas estranxeiras ao estudantado de titulacións oficiais da Universidade de Vigo financiando o custo de matrícula nos cursos do Centro de Linguas da Universidade.

CONTÍA:

A contía individual máxima da bolsa será equivalente ao importe de matrícula do curso ou exame de linguas. So se  percibirá o importe correspondente a un curso.

1. Posuír nacionalidade española ou calquera outra nacionalidade e acreditar a residencia legal en España a 31 de decembro de 2024 (non é suficiente o permiso de estadía por estudos).
2. Estar matriculado/a no curso 2024/2025 en centros propios da Universidade de Vigo nalgunha das titulacións oficiais de Grao ou Máster universitario, ou en centros adscritos de titularidade pública que imparten titulacións non impartidas en centros propios (Enfermaría Ourense, Enfermaría Pontevedra e Enfermaría Meixoeiro).
3. Ter cursado, estar cursando un curso de idiomas, ou ter realizada a inscrición ao exame do Centro de Linguas no curso 2024/2025 na data de presentación de solicitudes.
4. Non ter concedida esta bolsa en convocatorias anteriores agás cando se trate dun segundo curso que sexa continuación doutro rematado e subvencionado.

Queda excluído o estudantado visitante e o que acceda á Universidade de Vigo a través de programas de mobilidade internacional e nacional.

SOLICITUDE:

1. As persoas solicitantes deberán empregar o formulario en liña no seguinte enlace da Secretaría virtual da Universidade,

https://secretaria.uvigo.gal/uv/web/bolsas/convocatorias/index /  Bolsas cursos idiomas”

DOCUMENTACIÓN:

1. Xunto co formulario en liña achegarase, de selo caso, a seguinte documentación:
   • No caso do estudantado procedente do sistema de protección á infancia e adolescencia deberá presentar certificado expedido polo órgano competente da comunidade autónoma.
   • O alumnado estranxeiro deberá presentar a tarxeta de identidade de estranxeiro extracomunitario ou o documento acreditativo da residencia no caso do alumnado comunitario.
   • O alumnado que accedeu ao máster universitario desde estudos cursados noutras universidades españolas deberán aportar a certificación académica correspondente con indicación de nota media.
   • No caso de estudantado que accede ao máster desde estudos cursados en universidades estranxeiras deberá aportar a Declaración de Equivalencia de Nota media solicitada ao Ministerio de Ciencia, Innovación e Universidades a través do seguinte enlace: 

     https://www.universidades.gob.es/equivalencia-de-notas-medias-de-estudios-universitarios-realizados-en-centros-extranjeros/

A selección será efectuada pola comisión de avaliación de acordo cos seguintes criterios:

1. A nota media do expediente para estudantado de continuación e a nota de acceso para estudantado de inicio de estudos: ata 10 puntos
2. Ao estudantado procedente do sistema de protección á infancia e a adolescencia sumáselle 2 puntos a súa nota media.
3. Ao estudantado que teña concedida bolsa xeral do MEFPD (Ministerio de Educación)/Bolsa do Goberno Vasco no curso 2024/2025 ou Axudas propias UVigo no curso 2024/2025: 2 puntos

Prazo de alegacións a partir do día seguinte ó da publicación desta resolución e ata o día 26 de xuño ás 23:59 horas (hora peninsular española) para, de ser o caso, emendar os erros, as causas de exclusión e a falta de documentación. Para tal fin deberán empregar o formulario de alegacións existente na Secretaría Virtual.

Enlace ao taboleiro