Esta convocatoria ten por obxecto conceder bolsas destinadas a sufragar unha parte dos prezos públicos da matrícula da microcredencial no curso académico 2024/2025.

A contía será de 300 euros destinada ao pago da matrícula, a cal está suxeita á retención de IRPF que estableza a normativa vixente nesta materia.

So se pode recibir axuda para unha das microcredenciais. No caso de ter solicitado para as dúas só se concederá para a que se imparta en primeiro lugar.

Pode solicitar bolsa o estudantado que cumpra os seguintes requisitos:

1. Estar admitido nalgunha das seguintes microcredenciais:
   • Excel avanzado e análise de datos: dos fundamentos á integración con Power BI
   • Visualizacións interactivas de datos en Power BI
2. Posuír calquera nacionalidade e acreditar a residencia legal en España no prazo de presentación de solicitudes (non é suficiente o permiso de estadía por estudos).

Presentación de solicitudes

A solicitude realizarase a través do formulario en liña dispoñible na secretaría virtual da Universidade https://secretaria.uvigo.gal/uv/web/formularios/encuesta/cubrir_paso1/14741 e na plataforma do Santander www.santanderopenacademy.com no Programa “Becas Santander-Microcredenciales 2025, 1º edición”.

O prazo de presentación das solicitudes será dende o día seguinte ao da publicación desta convocatoria e remata o 23 de maio de 2025 ás 23:59 horas (hora peninsular española).