O obxecto destas bolsas é sufragar os gastos derivados da realización de actividades de contido
formativo, que se teñan que desenvolver nunha localidade diferente á da sede do Máster universitario.

REQUISITOS:

Pode solicitar bolsa o estudantado que cumpra os seguintes requisitos:

1. Estar matriculado no curso 2024/2025 dun mínimo de 60 créditos ou os que lle queden para finalizar os estudos nalgunha das seguintes titulacións:
   • Máster Universitario en Investigación Química e Química Industrial
   • Máster Universitario en Xenómica e Xenética
   • Máster Universitario en Xestión Sostible da Auga
   • Máster Universitario en Biofabricación
2. Realizar ó longo do curso 2024/2025 unha actividade propia da titulación que esixa desprazamento a unha localidade diferente á da sede do Máster. No caso de titulacións cunha duración de 2 cursos e estudantes que non estean matriculados das últimas materias, o desprazamento poderá realizarse ata o 30 de outubro de 2025 .

PRESENTACIÓN DE SOLICITUDES E DOCUMENTACIÓN:

A solicitude realizarase a través do formulario en liña dispoñible na secretaría virtual da Universidade https://secretaria.uvigo.gal/uv/web/bolsas/convocatorias/index / Bolsa Mobilidade Máster

No formulario en liña achegarase, de se lo caso, a seguinte documentación:

a) Certificación académica oficial dos estudos que lle deron acceso aos estudos de máster, no caso de telos cursado nunha universidade distinta á Universidade de Vigo.

b) No caso de estudantado que accede ao máster desde estudos cursados en universidades estranxeiras deberá aportar a Declaración de Equivalencia de Nota media solicitada ao Ministerio de Ciencia, Innovación e Universidades a través do seguinte enlace:

https://www.universidades.gob.es/equivalencia-de-notas-medias-de-estudios-universitarios-realizados-en-centros-extranjeros/

c) Descrición da actividade para a que solicita a bolsa segundo o modelo do anexo II no que se indica o desprazamento a realizar, lugar de destino, institución ou entidade, duración do desprazamento e proposta da actividade a realizar no destino. Esta proposta deberá contar co informe favorable da persoa coordinadora da titulación.

O prazo de presentación das solicitudes comeza o día seguinte a publicarse esta convocatoria e remata o 26 de maio de 2025, ás 23:59 horas (hora peninsular española).