O obxectivo do programa é recoñecer e potenciar ás mellores startups e spin offs universitarias de base tecnolóxica ou de coñecemento e que teñan unha solución innovadora e disruptiva en fase de aceleración.

A Universidade de Vigo concederá tres premios que consistirán:

• Nunha achega económica para o desenvolvemento da solución emprendedora de 4.000 € que será aboada á persoa solicitante. 
• Acceso directo ao premio nacional "Santander X Spain Award IStartup & Scaleup 2025".
• Difusión dos proxectos gañadores nas redes sociais e webs do Grupo Santander.

REQUISITOS DAS PERSOAS SOLICITANTES

Para solicitar o premio é preciso cumprir os seguintes requisitos:

1. Un membro do equipo debe estar matriculado ou recén titulado (cunha antigüidade máxima de cinco anos desde o momento da súa graduación) de grao, máster universitario ou doutoramento na Universidade de Vigo.
2. O/a estudante ou recén titulado/a debe ter residencia legal en España.
3. Tamén poderán formar parte do equipo persoas que teñan a condición de profesorado universitario, persoal investigador predoctoral ou posdoutoral, empregado/a ou persoal funcionario da Universidade de Vigo ou que teñan participado nalgún programa de emprendemento promovido pola Universidade de Vigo

REQUISITOS DOS PROYECTOS SOLICITANTES

Os proxectos emprendedores deberán cumprir polo menos un dos seguintes requisitos:

• Estar facturando.
• Ter un equipo formado por un mínimo de dúas persoas e contar cun máximo de vinte e cinco persoas con contrato a tempo completo.
• Contar cun capital semente ata un máximo 1.000.000€ levantado en roldas de investimento.

O estudante ou recen titulado deberá :

1. Inscribirse na plataforma Santander X na convocatoria Modalidad B: Startup-SpinOff Universitaria

2. Presentar na sede electrónica da Universidade de Vigo (https://sede.uvigo.gal ), a través da instancia xenérica (SXER), unha solicitude, poñendo no asunto “Premios SANTANDER X SPAIN AWARD 2025 – Startup Universitaria”.

Xunto coa solicitude deberá presentar:

1. a declaración responsable de cumprimento de requisitos do proxecto (Anexo II).
2. datos da conta bancaria da persoa solicitante da que debe ser titular na que se ingresará a achega económica.

O prazo de presentación das solicitudes comeza o día seguinte a publicarse esta convocatoria e remata o 24 de abril de 2025 ás 23:59 horas (hora peninsular española). A presentación fóra de prazo supoñerá a non admisión a trámite da solicitude.

Prazo de alegacións a partir do día seguinte ó da publicación desta resolución e ata o 8 de maio ás 23:59 horas (hora peninsular española) para, de ser ocaso, emendar os erros, as causas de exclusión e a falta de documentación. Para tal fin deberán empregar o formulario de alegacións existente na secretaría virtual.

Enlace a taboleiro

Prazo de alegacións a partir do día seguinte ó da publicación desta resolución e ata o día 30 de maio ás 23:59 horas (hora peninsular española). Para tal fin deberán empregar o formulario de alegacións existente na secretaría virtual.

Enlace ao taboleiro

Os proxectos emprendedores finalistas deberán participar na fase final de selección. Esta fase consistirá na presentación do seu proxecto mediante un vídeo autoeditado de máximo 3 minutos, seguido de 5 minutos para responder ás preguntas da comisión de selección.

A Comisión enviará un correo as persoas seleccionadas indicando o día, lugar e hora na que deben presentarse, que terá lugar entre o 3 e o 17 de xuño.

Para organizar de xeito adecuado as presentacións diante da comisión é conveniente enviar o vídeo con antelación a espazoincuvi@uvigo.gal.

Enlace ao taboleiro

Prazo de alegacións a partir do día seguinte ó da publicación desta resolución e ata o día 2 de xullo ás 23:59 horas (hora peninsular española). Para tal fin deberán empregar o formulario de alegacións existente na secretaría virtual.

Enlace ao taboleiro

Enlace ao taboleiro