O obxectivo que se persegue é que estudantes universitarios de calquera titulación oficial poidan completar a súa formación mediante a realización de prácticas académicas, tanto curriculares como extracurriculares, no ámbito rural, en zonas con problemas de despoboamento, residindo no mesmo, coñecéndoo en profundidade e convivindo e colaborando coa súa xente, de modo que poidan velo como un lugar de oportunidades para o desenvolvemento do seu futuro profesional.

Poderá presentar solicitude o estudantado que cumpra os seguintes requisitos:

• Estar matriculado en titulacións oficiais de grao ou mestrado universitario da Universidade de Vigo no curso 2024/2025 de conformidade cos perfís definidos no anexo II.
• No caso de estudos de grao, ter superados 120 créditos da titulación de grao na que se atopa matriculado, a estes efectos terase en conta o último día do prazo de presentación de solicitudes.
• Estudantado de PCEO deberá ter superados o 50% dos créditos da titulación.

As persoas solicitantes deberán encher o formulario en liña no seguinte enlace https://secretaria.uvigo.gal/uv/web/formularios/encuesta/cubrir_paso1/13762, descargalo e presentalo na sede electrónica da Universidade de Vigo (https://sede.uvigo.gal) a través da Instancia Xenérica (SXER) existente na sede, pondo en Asunto “Bolsa prácticas Campus Rural”, achegando unicamente o formulario coa solicitude.

As persoas solicitantes poderán elixir un máximo de 8 prácticas das publicadas no anexo II desta convocatoria e deberán establecer unha orde de prioridade que será vinculante.

Para a presentación electrónica deste procedemento, a sede electrónica da Universidade de Vigo dispón de instrucións de axuda que deberán ser observadas en todo momento polas persoas solicitantes:https://www.uvigo.gal/sites/uvigo.gal/files/contents/paragraph-file/2020-06/Guia_rexistro_instancia_xenerica_gl.docx.pdf. En caso de dúbida, dificultades técnicas ou necesidade de máis información durante o proceso de presentación dos formularios, poderán dirixirse ao enderezo electrónico sede@uvigo.gal

PRAZO:

O prazo de presentación de solicitudes comezará o día seguinte a publicarse esta convocatoria e rematará o 24 de abril de 2025 ás 23:59 horas (hora peninsular española).

Enlace ao taboleiro

Prazo de alegacións alegacións a partir do día seguinte ó da publicación desta resolución e ata o día 6 de maio ás 23:59 horas (hora peninsular española) para, de ser o caso, emendar os defectos que motivaron a súa exclusión ou completar a solicitude. Para tal fin deberán empregar o formulario de alegacións existente na secretaría virtual.

Enlace a taboleiro