Obxecto:

O obxecto desta convocatoria é potenciar a empregabilidade do estudantado das titulacións do Campus Auga, a través das prácticas remuneradas en empresas.

Período formativo:

O período de prácticas terá unha duración entre 2 e 3 meses, e poderán desenvolverse entre o 1 de xuño e o 30 de setembro de 2025.

Contía:

A contía individual será como máximo de 600 €/mes

Estar matriculado no curso 2024/2025 en titulacións do Campus da Auga:

• Máster en Nutrición
• Máster en Ciencia e Tecnoloxía Agroalimentaria e Ambiental
• Máster en Sistemas Aéreos No Tripulados
• Máster en Dirección e Planificación do Turismo Interior e de Saúde
• Grao en Ciencia e Tecnoloxía dos Alimentos
• Grao en Enxeñería Agraria
• Grao en Ciencias Ambientais
• Grao en Enxeñería Aeroespacial
• Grao en Administración e Dirección de Empresas
• Grao en Turismo
• Grao en Intelixencia Artificial.
• Grao en Dereito
• PCEO Grao en Administración e Dirección de empresas e Grao en Dereito
• PCEO Grao en Turismo/Grao en Xeografía e Historia
• Dobre grao en Administración e Dirección de Empresas e en Enxeñaría Informática

No caso dos estudos de grao ter superados o 50% dos créditos no curso 2023/2024.

Obrigas das persoas bolseiras:

1. Realizar, baixo a supervisión da persoa titora, a actividade formativa e o plan formativo conforme ao establecido na convocatoria.
2. Estar matriculada na Universidade de Vigo durante todo o período de duración da bolsa.
3. Presentar na Sección de Axudas e Bolsas, dentro do mes seguinte á finalización da bolsa, unha memoria final das actividades realizadas durante todo o período da bolsa. Esta memoria debe estar informada favorablemente pola persoa titora.
4. Deberán contemplar no desenvolvemento da práctica ás obrigas recollidas en relación aos estudantes en prácticas no Real Decreto 592/2014, de 11 de xullo, polo que se regulan as prácticas académicas externas dos estudantes universitario, así como as que se establecen neste mesmo sentido no Regulamento de prácticas académicas externas do alumnado da Universidade de Vigo.