O programa permitirá que o estudantado universitario de calquera titulación oficial poida completar a súa formación mediante a realización de prácticas académicas, tanto curriculares como  extracurriculares, no ámbito rural, en zonas con problemas de despoboamento, residindo no mesmo, coñecéndoo en profundidade e convivindo e colaborando coa súa xente, de modo que poidan velo como un lugar de oportunidades para o desenvolvemento do seu futuro profesional.

Oferta de titulacións de Grao da Universidade de Vigo para o Campus Rural

Oferta de titulacións de Mestrados da Universidade de Vigo para o Campus Rural

Poderá participar neste programa calquera administración local, institución, organismo, entidade sen ánimo de lucro ou empresa legalmente constituída, que

• Desenvolva a súa actividade en municipios españois de menos de 5.000 habitantes.
• Propoña unha solución habitacional de residencia para o alumno/a durante o período da práctica, ou de asistencia para a súa procura, no municipio no que realice as prácticas. De non ser posible, en municipios de similares características sitos a unha distancia non superior a 20 km.
• Dispoña das instalacións e dos medios adecuados para desenvolver as prácticas.
• Dispoña do persoal adecuado para titorizar as prácticas. As persoas titoras deben pertencer á entidade colaboradora, estar vinculadas con ela e contar con experiencia profesional e cos coñecementos necesarios para realizar unha titorización efectiva.

1. As entidades deberán cubrir o formulario en liña na seguinte ligazón: https://secretaria.uvigo.gal/uv/web/formularios/encuesta/cubrir_paso1/13712 

As entidades para cada perfil buscado deben presentar unha única oferta, podendo presentar tantas ofertas como perfís de prácticas demandados, indicando os perfís requiridos en cada unha delas e podéndose establecer ata un máximo 5 titulacións relacionadas co perfil que se busca.

2. O prazo de presentación das solicitudes comeza o día seguinte a publicarse esta convocatoria e finaliza o 20 de febreiro de 2025  ás 23:59 horas (hora peninsular española).