Obxecto:

O obxecto desta convocatoria é a concesión de axudas que contribúan á aceleración de proxectos emprendedores promovidos por estudantes ou persoas recentemente tituladas da Universidade de Vigo co fin de que estas podan validar a idea e analizar a existencia dunha demanda real no mercado.

A axuda consiste en:

• Axuda en especie:
  1. Formación: Os equipos emprendedores recibirán formación desde a resolución de concesión ata setembro, dirixida á preparación da prototipación e á planificación do marketing cunha dedicación de 20 horas. Preferiblemente, as horas de formación levaranse a cabo de forma presencial e de xeito conxunto para os catro equipos participantes.
  2. Mentorización personalizada: (presencial ou telemático), cunha dedicación de 12 horas por proxecto que desenvolveranse ao longo do programa (marzo – xullo 2025)
  3. Desenvolvemento da idea de negocio (traballo non presencial): cunha dedicación estimada de 12 horas de traballo autónomo por parte das persoas beneficiarias das axudas
  4. Presentación do proxecto ante representantes das entidades patrocinadoras e colaboradoras do programa nun demo-day prevista para mediados do mes de setembro, coincidindo ca Pont-Up Store de Pontevedra. A preparación desta presentación ten dedicación estimada de 4 horas presenciais e 4 horas de traballo autónomo por parte das persoas beneficiarias das axudas.
• Achega económica máxima de 1.000 € por proxecto para facer fronte a custos de prototipación ou demo dun produto ou servizo que forme parte da iniciativa emprendedora.

1. REQUISITOS DAS PERSOAS SOLICITANTES:

• Estudantado matriculado na Universidade de Vigo en estudos de Grao ou Máster universitario no curso 2024/2025.
• Persoas tituladas en titulacións oficiais pola Universidade de Vigo no curso 2021/2022 ou posteriores.
• Estudantado matriculado en titulacións oficiais ou persoas tituladas noutras universidades españolas no curso 2021/2022 ou posteriores, sempre que non superen o 50% dos membros do equipo.

2. COMPOSICIÓN DOS EQUIPOS:

• O proxecto emprendedor poderá presentarse de maneira individual ou por parte dun equipo de 4 persoas como máximo; neste último caso haberá unha persoa que actuará como coordinadora.
• A persoa ou membros do equipo promotor deberán ter a autoría intelectual das ideas que presentan ou, no seu defecto, dispor dos permisos correspondentes de uso da propiedade intelectual e/ou industrial de terceiros.
• Non se poderá presentar máis dun proxecto nin pertencer a varios equipos emprendedores.
• As persoas que formen parte do equipo promotor deberán estar nalgunha das seguinte situacións:
  • Que fosen beneficiarios dun premio nas últimas cinco edicións da convocatoria INCUVI-Emprende e desexen continuar coa maduración da idea. No caso de presentarse un equipo, so é necesario que a persoa que presenta a solicitude (e que actuará como promotora do proxecto emprendedor) houbera participado na convocatoria INCUVI-Emprende. De ser este o caso, haberá que presentar a renuncia formal dos restantes membros do equipo que non queiran seguir madurando a idea, e polo tanto se desvinculen do proxecto emprendedor obxecto do premios Emprende.
  • Que, sen seren beneficiarios dun premio da convocatoria de INCUVI-Emprende, teñan unha idea que xa posúa un modelo de negocio validado. Para isto os equipos emprendedores candidatos deberán acreditar a súa participación nun programa de apoio ao emprendemento, un produto mínimo viable e/ou un test de mercado.
•  

1. BREVE CURRÍCULO de todas as persoas integrantes do equipo emprendedor (máximo 1 cara tamaño A4) no que indiquen formación, experiencia e outra información considerada de utilidade para reforzar a súa candidatura.
2. VÍDEO DE PRESENTACIÓN DO PROXECTO, cun formato mp4 e de duración non superior a 2 minutos.
3. FORMULARIO DE RENUNCIA, que terán que cubrir e firmar aqueles membros beneficiarios das axudas no INCUVI-Emprende (e que polo tanto opten a axuda pola Modalidade 1) que decidan desvincularse da idea na que traballaron ó longo do programa.
4. No caso de equipos que non obtiveran premio INCUVI-Emprende deberán presentar un PLAN DE NEGOCIO, un produto mínimo viable e/ou un test de mercado.