O Ministerio de Ciencia, Innovación y Universidades vén de publicar a Orde ministerial pola que se aproba, por tramitación anticipada, a convocatoria de axudas Beatriz Galindo correspondente ao ano 2024, no marco do Plan estatal de Investigación Científica, Técnica e de Innovación ( PEICTI) 2024-2027 (BOE 9/1/2024).

 A Universidade de Vigo establece un procedemento interno de recepción e selección de propostas para que a institución poida presentar as súas cinco solicitudes de prazas que sinala como máximo a convocatoria. 

1. Modalidades

Axuda Beatriz Galindo sénior: deberá acreditarse unha experiencia docente e investigadora de polo menos sete anos no estranxeiro, a contar dende a obtención do título de doutor/a e acreditar o desenvolvemento de proxectos no exterior. 

Axuda Beatriz Galindo júnior: deberá acreditarse unha experiencia docente e investigadora de como máximo sete anos no estranxeiro, a contar dende a obtención do título de doutor/a e acreditar o desenvolvemento de proxectos no exterior.  

2. Procedemento interno de presentación de solicitudes: 

-Departamentos que dispoñan de unidades con capacidade de consolidación de profesorado.  Enlace á plantilla de PDI da Universidade de Vigo: https://www.uvigo.gal/es/estudiar/organizacion-academica/plantilla-pdi

-Departamentos que carezan de unidades con capacidade de consolidación de profesorado, pero que dispoñan de candidaturas excepcionales pola súa relevancia docente e investigadora conforme ás instrucións que acompañan esta convocatoria.

Deberá presentarse pola sede electrónica da Universidade de Vigo a seguinte documentación: 

1. Formulario de presentación de solicitudes debidamente cuberto e asinado. 

2. CVs de como máximo 3 candidaturas por solicitude de perfil de praza. No CV deben constar os períodos de vinculación co estranxeiro. 

Non é necesario acompañar o CV da documentación xustificativa dos méritos, salvo a acreditación dos períodos no estranxeiro. 

O prazo interno para presentar solicitudes de prazas coas propostas de candidaturas remata o 20 de xaneiro de 2025 ás 14:00 horas