O obxecto desta convocatoria é recoñecer, difundir e premiar os mellores traballos de fin de grao (TFG), de mestrado universitario (TFM) e teseS de doutoramento (TD) que inclúan a perspectiva de xénero e/ou feminista realizados polo estudantado da Universidade de Vigo.

• Convócase 1 premio de TFG por cada unha das seguintes áreas:
  • Área de Ciencias Sociais e Xurídicas
  • Área de Ciencias –Área de Ciencias da Saúde –Área de Enxeñaría e Arquitectura
  • Área de Artes e Humanidades
• Convócase 1 premio de TFM por cada unha das seguintes áreas:
  • Área de Ciencias Sociais e Xurídicas
  • Área de Ciencias –Área de Ciencias da Saúde –Área de Enxeñaría e Arquitectura
  • Área de Artes e Humanidades

Convócase 2 premio de tese de doutoramento para todas as áreas.

Pode participar nesta convocatoria o estudantado que cumpra os seguintes requisitos:

9. Ter presentado o traballo fin de grao ou fin de mestrado universitario na Universidade de Vigo no curso 2023/2024 e obter unha cualificación mínima de 9.
10. Ter defendido a tese de doutoramento na Universidade de Vigo entre o 1 de outubro de 2023 e o 30 de setembro de 2024 obtendo a cualificación de “sobresaínte cum laude”.

Non poderán ter a condición de beneficiarias as persoas nas que concorra algunha das circunstancias establecidas no artigo 13.2 da Lei 38/2003 xeral de subvencións, de 17 de novembro.

As persoas solicitantes deberán empregar o formulario en liña no seguinte enlace https://secretaria.uvigo.gal/uv/web/formularios/encuesta/cubrir_paso1/13644, descargalo e presentalo na sede electrónica da Universidade de Vigo (https://sede.uvigo.gal) a través da Instancia Xenérica (SXER) existente na sede, poñendo en asunto «Premios Egeria perspectiva de xénero e/ou feminista 2024», achegando só o formulario coa solicitude. Só se poderá presentar unha solicitude por persoa.

No formulario en liña achegarase a seguinte documentación (non hai que subir a documentación á sede electrónica):

1. O TFG/TFM/Tese de doutoramento en formato pdf.
2. Resumo, en formato pdf , de como máximo 500 palabras.

Breve informe da dirección/titoría do traballo xustificando que este inclúe a perspectiva de xénero.