OBXECTO

Estas bolsas teñen por obxecto contribuír a paliar os gastos ocasionados ao estudantado da Universidade de Vigo matriculado nos programas de doutoramento, con motivo da realización de estadías que permiten o recoñecemento de mención internacional, e demais actividades incluídas na súa programación académica que impliquen desprazamento.

1. Estar matriculado na Universidade de Vigo no período de tutela de tese no curso académico 2023/24 nalgún dos programas de doutoramento da Universidade de Vigo.
2. Realizar durante o curso 2023/2024 a actividade (de acordo coa súa programación académica) que implique o desprazamento a outras universidades participantes no programa de doutoramento, a outros centros de investigación, ou a asistencia a congresos e cursos. No caso de estadías de investigación deberá ter unha duración mínima de 28 días.
3. O desprazamento terá que estar finalizado antes do 01/11/2024, e non poderá conter períodos de baixa temporal no programa de doutoramento.
4. Contar co informe favorable das persoas directoras da tese e da comisión académica do programa de doutoramento (CAPD).
5. Ter aprobado pola CAPD o Plan de Investigación.
6. Para estudantado que ingresara no curso 2021/22 ou anterior, ter aprobadas pola CAPD as avaliacións anuais que pola súa situación lle sexan esixibles:
   • Con carácter xeral ter aprobada a avaliación anual do curso 2022/23.
   • Para estudantado que tivera períodos de baixa no programa de doutoramento, aplicarase unha condición equivalente considerando os seus períodos de alta no programa.

Tamén poderá participar o estudantado matriculado no curso 2022/23 que non puido obter a bolsa no curso 2022/2023 por finalizar a súa estadía con posterioridade ao 01/11/2023, sempre que cumpra os restantes requisitos da convocatoria publicada por resolución reitoral de 20/03/2024.

As persoas solicitantes deberán encher o formulario en liña no seguinte enlace https://secretaria.uvigo.gal/uv/web/formularios/encuesta/cubrir_paso1/13606 , descargalo e presentalo na Sede Electrónica da Universidade de Vigo (https://sede.uvigo.gal) a través da instancia xenérica (SXER) existente na sede, e pór como asunto “Bolsas EIDO mobilidade doutoramento”,  achegando unicamente o arquivo coa solicitude.

2. O prazo de presentación das solicitudes será desde o día seguinte a publicarse esta convocatoria ata o 23 de setembro de 2024 ás 23:59 horas (hora peninsular española).
3. No formulario en liña hai que subir a seguinte documentación (non hai que subir a documentación á sede electrónica):

• Descrición da estadía para a que solicita a bolsa (anexo II): desprazamento a realizar, lugar de destino, institución ou congreso/curso, duración do desprazamento, proposta da actividade a realizar no destino, e orzamento.

Esta proposta deberá contar co informe favorable das persoas directoras da tese e da comisión académica do programa de doutoramento

• No seu caso, copia doutras solicitudes de bolsa para a mesma estadía ou asistencia que se tivesen presentado tanto en institucións, entidades ou fundacións públicas e privadas.

Tamén se lles poderá requirir que acheguen outra documentación que resulte necesaria para a correcta avaliación de requisitos e méritos alegados. O feito de non achegar a documentación requirida será causa de exclusión.

As persoas beneficiarias das bolsas están obrigadas a:

• Destinar a axuda á finalidade para a que foi concedida.
• Enviar á Sección de Bolsas no prazo de un mes desde a finalización da actividade subvencionada a documentación que acredite a asistencia ao curso/congreso ou estadía na que figuren as datas de inicio e fin.
• No caso de obter unha subvención para a mesma finalidade con posterioridade á solicitude da bolsa, as persoas beneficiarias deberán comunicalo por escrito á Sección de Axudas e Bolsas.

Establecer un prazo de alegacións a partir do día seguinte ó da publicación desta resolución e ata o día 16 de outubro ás 23:59 horas (hora peninsular española) 

Para tal fin, deberán empregar o formulario de alegacións existente na secretaría virtual.

Enlace ao taboleiro

Enlace ao taboleiro

Establecer un prazo de alegacións a partir do día seguinte ó da publicación desta resolución e ata o día 25 de novembro ás 23:59 horas (hora peninsular española)

Para tal fin, deberán empregar o formulario de alegacións existente na secretaría virtual.

Enlace ao taboleiro