A finalidade destas axudas é fomentar a consolidación da carreira profesional de persoas investigadoras para que poidan desenvolver a súa carreira profesional dentro do Sistema Español de Ciencia, Tecnoloxía e de Innovación (SECTI) , incentivando a creación de prazas de carácter permanente nas institucións de adscrición e facilitando o inicio ou o afianzamento dunha liña de investigación mediante o financiamento dun proxecto propio de I+D+i así como a adecuación e renovación dos espazos e laboratorios e a mellora do equipamento necesarios para a súa execución.

Quen pode presentar unha solicitude?

As solicitudes serán individuais de cada investigadora ou investigador que actuará como IP e poderán presentalas o persoal investigador incluído nas figuras sinaladas máis abaixo sempre que reúnan os requisitos establecidos no artículo 7 das bases da convocatoria de axudas de consolidación e  teñan consumido un período mínimo de dous anos na figura correspondente.

Todos os requisitos e acreditacións, incluído a posesión do R3/I3, deben ser cumpridos a 3 de xullo de 2024, data de inicio de presentación de solicitudes na AEI.

Figuras que deben dispoñer da acreditación R3/I3 e ter consumido un mínimo de 2 anos na figura correspondente:

• Persoal investigador contratado mediante unha axuda Ramón y Cajal.
• Persoal investigador contratado mediante unha axuda Juan de la Cierva Incorporación.
• Persoal investigador contratado mediante as axudas María Zambrano.
• Persoal investigador contratado mediante unha axuda para completar a etapa de formación posdoutoral da Xunta de Galicia . Para o cómputo dos dous anos considerarase o tempo consumido na axuda de apoio á etapa de formación posdoutoral da Xunta de Galicia .
• Persoal investigador contratado mediante o Programa de Retención de Talento Investigador da Universidade de Vigo ou da Xunta.
• Persoal investigador contratado mediante unha axuda Marie Curie.
• Persoal investigador contratado mediante unha axuda de Jóvenes Investigadores(as).
• Persoal investigador contratado a través dunha axuda Beatriz Galindo.
• Persoal investigador contratado mediante o programa OPORTUNIUS que deben contar coa autorización da Axencia Galega de Innovación (GAIN) para presentar a candidatura ou presentar a solicitude de axuda de consolidación a través da axencia.

Tramitación da declaración de interese

1. Encher o modelo de declaración de interese que acompaña estas instrucións e está accesible no taboleiro de convocatorias da Universidade de Vigo.
2. Presentar a través da sede electrónica mediante unha instancia xenérica SXER dirixida ao Servizo de Investigación e Apoio ao Desenvolvemento, antes do 5 de xullo de 2024 ás 14.00 horas, o formulario asinado electronicamente xunto coa documentación que se solicita en cada caso.   
3. Unha vez comprobado que se cumpren os requisitos exixidos, a Comisión de Investigación fará a selección conforme ao indicado nestas instrucións  para que se presente a solicitude que, seguindo as bases da convocatoria de axudas, deberá elaborar a persoa interesada que figurará como IP.

Criterios de selección de candidaturas

 Avalaranse un máximo de 10 candidaturas que serán seleccionadas pola Comisión de Investigación tendo preferencia quen dispoña de acreditación a titular de universidade cos seguintes criterios:

• Data máis antiga de obtención de acreditación a titular de universidade.
• Data máis antiga de obtención da acreditación R3/I3.
• En caso de empate, terán prioridade as áreas de coñecemento con menos folgura docente. Cadro teórico de PDI: https://www.uvigo.gal/estudar/organizacion-academica/cadro-pdi

No caso de que non se chegue ao máximo de 10 candidaturas que cumpran os criterios anteditos, poderán admitirse candidaturas con acreditación a profesorado contratado doutor ordenadas do seguinte xeito:

• Data máis antiga de obtención de acreditación a profesorado contratado doutor.
• Data máis antiga de obtención da acreditación R3/I3.
• En caso de empate, terán prioridade as áreas de coñecemento con menos folgura docente. Cadro teórico de PDI: https://www.uvigo.gal/estudar/organizacion-academica/cadro-pdi

O persoal investigador que solicite esta convocatoria deberá pedir necesariamente o incentivo para a creación e cobertura dunha praza permanente na súa área de coñecemento.