OBXECTO

A presente convocatoria ten por obxecto recoñecer o labor realizado por aquelas persoas investigadoras cuxa tese doutoral represente un avance significativo no eido das tecnoloxías de telecomunicación. Este premio recoñece a aquelas contribucións que, baseadas na innovación, a creatividade, a orixinalidade e o rigor científico no campo das tecnoloxías das telecomunicacións, presentan unha alta capacidade de avance no coñecemento producido nestas disciplinas.
Convócase un premio para aquelas persoas que defendesen a súa tese doutoral no eido das tecnoloxías de telocomunicación nunha universidade española na anualidade 2022. 

Pode solicitar axuda as persoas que cumpran os seguintes requisitos:

1. Persoas en posesión dun título de doutoramento, de calquera nacionalidade, que defendesen a súa tese doutoral no eido das tecnoloxías de telecomunicación (comunicacións, servizos dixitais e/ou ciberseguridade) en calquera universidade española.
2. Data de defensa da tese, entre o 1 de xaneiro e o 31 de decembro de 2022.
3. Tendo acadado na tese a máxima cualificación (excelente cum laude).
4. Ter publicado 2 artigos JCR Q1/Q2 ou, no seu defecto, dispor dunha patente en explotación, por un resultado da investigación realizada no contexto da tese doutoral no eido das Tecnoloxías de Telecomunicación.

1. Certificado do centro onde se leu a tese de doutoramento, que conteña a seguinte información:
   • Título
   • Nome e apelidos do titor ou directores.
   • Data de lectura ou defensa.
   • Calificación obtida.
2. CV do autor da Tese seguindo o modelo de Curriculum Vitae abreviado (CVA) do MINECO (máx. 4 páxinas).
3. Un resumo en castelán, de máximo 6 páxinas (fonte: Times New Roman 12) indicando:
   • De 3 a 5 "palabras clave" que describen a obra, preferentemente tomadas da taxonomía do IEEE https://www.ieee.org/documents/taxonomy_v101.pdf
   • Breve explicación da relación do traballo realizado coas tecnoloxías de telecomunicación, facendo especial fincapé nos aspectos orixinais e innovadores e nos resultados obtidos.
   • Resumo destacando a orixinalidade e innovación no ámbito técnico, e os 5 méritos máis significativos obtidos polo traballo realizado, indicando claramente a súa contribución (p.e. publicacións de impacto, tanto en revistas como en congresos internacionais de gran relevancia, sempre na disciplina das Tecnoloxías de Telecomunicación, patentes, aplicacións comerciais, resultados de transferencia) e outros méritos (por exemplo, estadías no estranxeiro, premios recibidos, financiamento recibido).
4. Como anexos poderáse enviar un índice con enlaces a:
   • O traballo (tese de doutoramento) en formato Adobe .pdf (en castelán ou inglés).
   • Traballos publicados en revistas nacionais/internacionais, e en congresos nacionais/internacionais derivados da Tese.
   • Financiamento público ou privado recibido.
   • Patentes xeradas, aplicacións comerciais.

OBRIGAS

A persoa gañadora comprométese a facer unha breve presentación da súa tese de doutoramento (máximo 15 minutos) na cerimonia de entrega do devandito premio; sendo comunicada a data á persoa premiada no prazo mínimo de 30 días previa cerimonia.

No caso de non poder asistir de xeito presencial, a devandita presentación poderase facer de xeito virtual.

Establecer un prazo de alegacións a partir do día seguinte ó da publicación desta resolución e ata o día 7 de decembro ás 23:59 horas (hora peninsular española).

Para tal fin deberán empregar o formulario de alegacións existente na secretaría virtual.

Enlace a taboleiro

Enlace a taboleiro

Novo prazo de alegacións a partir do día seguinte ó da publicación da corrección de erros e ata o día 2 de abril ás 23:59 horas

Para tal fin deberán empregar o formulario en liña disponible na Secretaría Virtual.

Enlace á corrección de erros

Enlace a taboleiro