O importe das axudas será o correspondente aos prezos públicos por servizos académicos das materias matriculadas, incluídos os importes dos recoñecementos.

A aplicación da axuda ao persoal das Universidades de A Coruña e Santiago de Compostela e os seus beneficiarios queda condicionada á compensación por parte destas institucións dos importes correspondentes. 

A contía desta axuda ten a consideración de retribución en especie e como tal está suxeita a tributación como rendemento do traballo, e polo tanto, sometida ao sistema de retencións a conta na porcentaxe que se practique aos restantes rendementos de traballo. Ademais incluirase na base de cotización.

2. TITULARES DO DEREITO E PERSOAS BENEFICIARIAS
1. Son titulares do dereito ás seguintes persoas:
a) O persoal docente e investigador e o persoal de administración e servizos (queda excluído o 
persoal eventual e con contrato de alta dirección) que reúna os seguintes requisitos entre o 1
de xullo e o 30 de setembro, ou no momento da matrícula no caso de realizarse fóra deste 
período:
i. Percibir as súas retribucións con cargo ao capítulo I dos Orzamentos da Universidade de 
Vigo. O persoal vinculado á Universidade mediante contrato de traballo deberá estar 
incluído no ámbito de aplicación do Convenio colectivo do PDI e PAS laboral.
ii. Atoparse na situación administrativa de servizo activo ou excedencia por coidado de 
familiares. 
b) Os familiares (cónxuxe/persoa coa que conviva maritalmente, fillos e fillas ou proxenitores) 
deste persoal que tivera falecido en servizo activo ou excedencia por coidado de familiares 
ata o segundo grao de consanguinidade ou afinidade, desde o ano 2018. O/a cónxuxe ou 
persoa coa que convivira maritalmente poderá solicitar estas axudas mentres permaneza en 
estado de viuvez ou non conviva maritalmente de novo. 
c) O persoal xubilado ou declarado en situación de incapacidade absoluta ou gran invalidez.
2. Son beneficiarios/as ademais da persoa titular do dereito descrita no apartado anterior:
a) O/a cónxuxe do/a titular do dereito, ou parella de feito debidamente inscrita.
b) As fillas e fillos de calquera dos anteriores menores de 28 anos no caso de estudos de Grao, 
de 30 anos no caso dos estudos de Máster e de 33 nos estudos de Doutoramento, a 31 de 
agosto de 2023, sempre e cando o titular do dereito asuma os gastos de educación.
c) As persoas menores de idade acollidas pola persoa titular de xeito permanente ou preadoptivo.

1. No momento da matrícula o/a estudante marcará a exención de “Persoal da UVIGO/UDC/USC”, dando lugar á suspensión cautelar do pagamento dos prezos.
2. O/a traballador/a deberá presentar a solicitude mediante o formulario específico deste
procedemento na sede electrónica da Universidade de Vigo.
3. O prazo para a presentación da solicitude é desde:

• 1 de setembro ata o 31 de outubro para as matrículas realizadas no primeiro
  cuadrimestre.
• 1 de marzo ata o 30 de abril para as matrículas realizadas no segundo cuadrimestre ou quen por razóns xustificadas non poda presentar no primeiro prazo.

Alegacións ata o 12 de xullo. Para tal fin deben encher o formulario de alegacións dispoñible na secretaría virtual.

Enlace ao Taboleiro