A finalidade destas axudas é fomentar a consolidación da carreira profesional de persoas investigadoras para que poidan desenvolver a súa carreira profesional dentro do Sistema Español de Ciencia, Tecnoloxía e de Innovación (SECTI) , incentivando a creación de prazas de carácter permanente nas institucións de adscrición e facilitando o inicio ou o afianzamento dunha liña de investigación mediante o financiamento dun proxecto propio de I+D+i así como a adecuación e renovación dos espazos e laboratorios e a mellora do equipamento necesarios para a súa execución.

As solicitudes serán individuais de cada investigadora ou investigador que actuará como IP e poderán presentar unha solicitude o seguinte persoal investigador sempre que cumpra os requisitos establecidos pola convocatoria:

GRUPO 1. Sen vinculación permanente na Universidade de Vigo

 Figuras que deben dispoñer da acreditación I3/R3 á data de fin de presentación de declaracións de interese.

• Persoal investigador contratado mediante unha axuda Ramón y Cajal.
• Persoal investigador contratado mediante unha axuda Juan de la Cierva Incorporación.
• Persoal investigador contratado mediante as axudas María Zambrano.
• Persoal investigador contratado mediante unha axuda para completar a formación posdoutoral da Xunta de Galicia (modalidade B).
• Persoal investigador contratado mediante o Programa de Retención de Talento Investigador da Universidade de Vigo.
• Persoal investigador contratado mediante unha axuda Marie Curie.
• Persoal investigador contratado mediante unha axuda de Jóvenes Investigadores(as).

Figuras que deben dispoñer da acreditación I3 ou que teñan solicitado o R3 á data de fin de presentación de declaracións de interese.

• Persoal investigador contratado a través dunha axuda Beatriz Galindo.
• Persoal investigador contratado mediante o programa OPORTUNIUS que deben contar coa autorización da Axencia Galega de Innovación (GAIN) para presentar a candidatura ou presentar a solicitude de axuda de consolidación a través da axencia.

 Figuras que deben dispoñer da acreditación I3 ou que teñan solicitado o R3 á data de fin de presentación de declaracións de interese ou título de doutor/a anterior a 01/01/2016.

• Profesorado titular de universidade interino.

Avalaranse un máximo de 10 candidaturas dentro deste grupo que serán seleccionadas pola Comisión de Investigación tendo preferencia quen dispoña de acreditación a titular de universidade cos seguintes criterios:

• Data máis antiga de obtención de acreditación a titular de universidade.
• Data máis antiga de obtención da acreditación I3/R3.
• En caso de empate, terán prioridade as áreas de coñecemento con menos folgura docente.

No caso de que non se chegue ao máximo de 10 candidaturas que cumpran os criterios anteditos, poderán admitirse candidaturas con acreditación a profesorado contratado doutor ordenadas do seguinte xeito:

• Data máis antiga de obtención de acreditación a profesorado contratado doutor.
• Data máis antiga de obtención da acreditación I3/R3.
• En caso de empate, terán prioridade as áreas de coñecemento con menos folgura docente.

O persoal investigador que pertenza a este grupo deberá solicitar necesariamente o incentivo para a creación e cobertura dunha praza permanente na súa área de coñecemento.

GRUPO 2. Con vinculación permanente na Universidade de Vigo.

O persoal con vinculación laboral ou funcionarial permanente interesado en presentar unha solicitude debe cumprir os seguintes requisitos:

• A súa estabilización debeuse ter producido con posterioridade ao 24/11/2022 e non ter gozado anteriormente doutro posto permanente nalgunha entidade das sinaladas no artigo 5 da convocatoria de axudas.
• Dispoñer da acreditación I3 ou ter solicitado o certificado R3 conforme ao artigo 7.b.1º. e 2º da convocatoria de axudas de consolidación.  De non dispoñer de acreditación ou non tela solicitado, a data do título de doutora ou doutor debe ser anterior ao 01/01/2016 conforme ao punto 3º do mesmo artigo.
• Non figurar como IP nunha solicitude financiada na convocatoria 2022 de axudas de consolidación.

Tramitación da declaración de interese

1. Encher o modelo de declaración de interese que acompaña estas instrucións e está accesible no taboleiro de convocatorias da Universidade de Vigo.
2. Presentar a través da sede electrónica mediante unha instancia xenérica SXER dirixida ao Servizo de Investigación e Apoio ao Desenvolvemento, antes do 12 de xullo de 2023 ás 14.00 horas, o formulario asinado electronicamente. xunto coa documentación que se solicita en cada caso.   
3. Unha vez comprobado que se cumpren os requisitos exixidos, a Comisión de Investigación fará a selección conforme ao indicado nestas instrucións  para que se presente a solicitude que, seguindo as bases da convocatoria de axudas, deberá elaborar a persoa interesada que figurará como IP.