OBXECTO:

Incentivar a cultura do mérito e a excelencia, a través do recoñecemento ao estudantado cos mellores resultados académicos nos estudos previos ao seu ingreso nos estudos oficiais de mestrado universitario da Universidade de Vigo.

PREMIOS:

Convócanse 15 premios distribuídos do seguinte xeito:

• Artes e Humanidades: 2
• Ciencias e Ciencias da Saúde: 2
• Ciencias Sociais e Xurídicas: 7
• Enxeñaría e Arquitectura: 4

CONTÍA:

A contía individual de cada premio é de 600 €.

1. Estar matriculado no curso 2023/2024 por primeira vez en estudos de mestrado universitario en centros propios da Universidade de Vigo ou en centros adscritos de titularidade pública que imparten titulacións non impartidas en centros propios (Enfermaría Ourense, Enfermaría Pontevedra e Enfermaría Meixoeiro).
2. Obter unha nota media ponderada igual ou superior a 1,00 nos estudos que lle dan acceso ao máster universitario calculada según o establecido no punto 6 desta convocatoria.

Non poderán ter a condición de beneficiario/a as persoas nas que concorra algunha das circunstancias establecidas no artigo 13.2 da Lei 38/2003 Xeral de Subvencións, de 17 de novembro.

• SELECCIÓN:

A nota media do expediente académico de grao ou licenciatura que lle da acceso ao Máster, será ponderada coa nota media da titulación:

Para a ponderación, no caso de estudos realizados en universidades españolas, terase en conta a nota media que, de acordo cos datos da Clasificación Internacional Normalizada da Educación (ISCED), corresponda á súa titulación na universidade na que a cursou:

https://www.universidades.gob.es/wp-content/uploads/2023/01/nm_isced_general_y_universidad_fpu2022.pdf

Para os estudos realizados no estranxeiro, a ponderación realizarase tendo en conta as notas medias ISCED para estudos estranxeiros:

https://www.educacionyfp.gob.es/dam/jcr:7ae3604f-ca06-4329-9047-236c5bbcb9f9/nota-media-extranjeros.pdf

SOLICITUDE:

As persoas solicitantes deberán encher o formulario en liña no seguinte enlace https://secretaria.uvigo.gal/uv/web/formularios/encuesta/cubrir_paso1/12424, descargalo e presentalo na sede electrónica da Universidade de Vigo (https://sede.uvigo.gal) a través da Instancia Xenérica (SXER) existente na sede, poñendo en asunto “premios excelencia académica inicio mestrado universitario”, achegando unicamente o arquivo coa solicitude.

DOCUMENTACIÓN:

Deberán subir a seguinte documentación ao formulario en liña (non hai que subir a documentación á sede electrónica):

• No caso de estudos de grao cursados nunha universidade distinta á de Vigo, certificación académica dos estudos de grao que lle dan acceso.
• No caso de estudantado que accede ao mestrado universitario desde estudos cursados en universidades estranxeiras deberá aportar a Declaración de Equivalencia de Nota media solicitada ao Ministerio de Educación y Formación Profesional a través do seguinte enlace:

PRAZO:

O prazo de presentación de solicitudes comezará o día seguinte a publicarse esta convocatoria e rematará o 29 de setembro de 2023 ás 23:59 horas (hora peninsular española). 

Alegacións a partir do día seguinte ó da publicación desta resolución e ata o día 31 de outubro ás 23:59 horas (hora peninsular española).

A tal fin deberán empregar o formulario de alegacións existente na secretaría virtual.

Enlace a taboleiro

Enlace ao Taboleiro

Alegacións a partir do día seguinte ó da publicación desta resolución e ata o día 22 de novembro ás 23:59 horas (hora peninsular española).

Para tal fin deberán empregar o formulario de alegacións existente na secretaría virtual

Enlace ao Taboleiro