Requisitos xerais:

1. Estar matriculado na Universidade de Vigo no curso 2022/2023 en titulacións oficiais de Grao, en centros propios ou en centros adscritos de titularidade pública que imparten titulacións non impartidas en centros propios (Enfermaría Ourense, Enfermaría Pontevedra e Enfermaría Meixoeiro).
2. Ter solicitada praza na convocatoria de mobilidade SICUE para o curso académico 2023/2024.

Consultar na convocatoria:

• requisitos económicos

Xunto coa solicitude achegarase a seguinte documentación:

• O Anexo II deberá ser asinado por cada un dos membros da unidade familiar autorizando á universidade a consultar directamente os datos de renda e patrimonio, e presentado en formato pdf xunto coa solicitude. SEN ESTE DOCUMENTO NON SE PODE TRAMITAR A SOLICITUDE.
• Documentación acreditativa das distintas situacións que afecten á composición da unidade familiar:
  1. Se hai ascendentes dos pais e irmáns maiores de 25 anos con discapacidade deberá xustificar a residencia no mesmo domicilio co certificado municipal conxunto correspondente a 31 de decembro de 2021.
  2. Sentenza de divorcio ou convenio regulador, de ser o caso.
  3. Independencia económica e familiar: deberá presentar a documentación xustificativa de ter domicilio en propiedade ou en aluguer, e de dispoñer dos medios económicos suficientes para facer fronte aos seus gastos, contrato de aluguer e xustificación de ingresos, así como certificado municipal conxunto correspondente a 31 de decembro de 2021.
• Documentación acreditativa das situacións que dan dereito a dedución no cálculo da renda:

1. Título familia numerosa.
2. Acreditación de orfandade absoluta.
3. Certificado de discapacidade (do/a solicitante, irmáns e fillos/as do solicitante).
4. Irmáns estudantes universitarios residentes fora do domicilio familiar durante o curso anterior 2021/2022 (expediente académico e contrato de aluguer).

• Documentación acreditativa dos ingresos percibidos no estranxeiro polos membros da unidade familiar do ano 2021.

Tamén se lle poderá requirir que acheguen outra documentación que a xuízo da comisión de selección resulte necesaria para a correcta avaliación dos requisitos. O feito de non achegar a documentación requirida será causa de exclusión.

Instruccións para presentar a solicitude:

accede ao Impreso de solicitude en http://seix.uvigo.es/, na páxina de inicio preme en "SVE – Secretaría Virtual Estudantes" e no menú da esquerda selecciona "bolsas propias de estudos / Bolsa mobilidade SICUE". 

Inclúe a documentación que acredite o cumprimento dos requisitos. 

IMPORTANTE: Para calquera dúbida contacta coa Sección de Axudas e Bolsas no teléfono 986 81 36 11 ou no correo electrónico bolsas@uvigo.es

Alegacións a partir do día seguinte á publicación e ata o día 13 de abril as 23:59 (hora peninsular española)

Enlace ao Taboleiro

Enlace ao Taboleiro

O prazo para interpoñer o recurso remata o 18 de maio de 2023 ás 23:59 (hora peninsular española).

O recurso podes presentalo na Universidade de Vigo a través da sede https://sede.uvigo.gal/ , presencialmente nos rexistros dos tres campus ou a través de calquera das dependencias contempladas artículo 16.4 da Lei 39/2015, de 1 de outubro, do Procedemento Administrativo Común das Administracións Públicas.

Alegacións a partir do día seguinte ó da publicación e ata o día 29 de maio ás 23:59 horas (hora peninsular española)

Enlace ao Taboleiro

Enlace ao Taboleiro