Secretaría Uvigo

Dende o 13 de outubro de 2026 pódese participar no proxecto  de voluntariado propio da Universidade de Vigo: "EMAU APRENDE+".

O programa EMAU (Emprego e Vida Autónoma) é unha iniciativa coordinada pola Universidade de Vigo e desenvolvida no marco do programa Unidiversidad da Fundación ONCE.

O seu obxectivo é ofrecer unha formación universitaria adaptada a mozas e mozos con discapacidade intelectual, do desenvolvemento e/o do espectro autista, co fin de mellorar as súas competencias persoais, sociais e laborais, e favorecer a súa empregabilidade e autonomía.

Co fin de prestar apoio ao alumnado deste programa mediante sesións de reforzo de lectura, escritura e cálculo funcional, a Universidade de Vigo promove a actividade de voluntariado EMAU APRENDE +, entre os obxectivos desta actividade están:

• Favorecer o desenvolvemento e reforzo das competencias instrumentais básicas do alumnado do EMAU.
• Promover a inclusión e a participación activa do alumnado con discapacidade intelectual na comunidade universitaria.
• Crear espazos de aprendizaxe compartida entre o alumnado do EMAU e o alumnado universitario voluntario.

Duración actividade: curso académico  26-27