Secretaría Uvigo

Ainda estás a tempo de participar no proxecto  de voluntariado propio da Universidade de Vigo: "Campaña de reforestación e recuperación de danos polos incendios".

Actuaremos nunha zona que estaba plagada de mimosas (especie invasora) que arderon xunto a algúns piñeiros.  Recuperaremos o terreo nesa zona plantaremos especies autóctonas. Esto o levaremos a cabo nunha das parcelas da asociación Ridimoas entre Carballeda de Avia e Beade, pola que pasa un camiño centenario que podemos axudar a recuperar coa acción de voluntariado. 

As tarefas específicas son:

• Eliminación por troceado e astelado de restos queimados e espallalos polo terreo para axudar a protección do solo e a rexeneración (mulching).
• Troceado e apilado de leña gruesa de mimosa (Acacia dealbata) e piñeiro queimado.
• Corta e astelado de brotes de mimosa, (Acacia dealbata), especie invasora.
• Plantación dalgúns exemplares de sobreira (Quercus suber), érbedo (Arbutus unedo) e acivro (Ilex aquifolium).

Datas realización: 1 e 2 de maio (as persoas voluntarias poderán elixir entre asistir os dous días ou ben so un deles)

Número de persoas voluntarias:

• Pontevedra e Vigo: 29 para o día 1 de maio e 39 para o día 2 de maio.
• Ourense: 15 para cada un dos días.

Servizo de autobús, os lugares e horarios de saída son:

• Pontevedra: Escola de Enxeñaría Forestal, Campus A Xunqueira, ás 9:00. 
• Vigo: Rúa Areal, 46 (diante da actual sede Zona Franca, no cruce entre a Rúa Areal e a Rúa Oporto) ás 9:30.
• Ourense: Diante do Edificio de Ferro, ás 9:30.

Consultar información en: https://secretaria.uvigo.gal/uv/web/voluntariado/public/proyecto/show/171