Secretaría Uvigo

Dende o 3 de marzo de 2026 pódese participar no proxecto  de voluntariado propio da Universidade de Vigo: "UVigo para todas as persoas: Camiños cara á inclusión universal nos centros".

Entre os obxectivos do programa están:

- Realizar un inventario nos percorridos principais de ramplas, ascensores, portas e anchos de paso en cada centro para verificar se cumpren coas normativas de funcionalidade e autonomía.

- Localizar puntos críticos ou "puntos negros" que impidan a libre circulación.

- Implicar aos centros e ao estudantado na detección de necesidades reais, transformando a percepción do seu centro de estudos ou traballo nun espazo compartido onde a inclusión sexa responsabilidade de todas as persoas.