Secretaría Uvigo

Con data de hoxe publícase Resolución de 7 de xaneiro de 2026 da Universidade de Vigo pola que se aproba a convocatoria para a presentación de solicitudes de avaliación da actividade investigadora para o profesorado contratado doutor, o profesorado permanente laboral e o profesorado axudante doutor, correspondente ao ano 2025.

OBSERVACIÓNS DE INTERESE:

A. Como novidade, o procedemento ten dúas fases:

1. Unha primeira de solicitude ANTE A UNIVERSIDADE DE VIGO do inicio do procedemento. Presentarase a través da sede da UVigo. Comprobados os requisitos de admisión, en caso positivo notificaráselle a través de sede a autorización. Esa atorización DEBE presentarse ante a ANECA como parte da documentación preceptiva.
2. Unha segunda de solicitude de avaliación ANTE A ANECA, a través da súa sede, como viña sendo habitual. Lembre: entre a documentación a engadir TERÁ QUE PRESENTAR A AUTORIZACIÓN PREVIA DA UNIVERSIDADE, PERMITÍNDOLLE CONTINUAR CO PROCEDEMENTO.

B. Prazos:

1. Para a primeira das fases, do 9 ao 22 de xaneiro de 2026
2. Para a segunda das fases, do 9 de febreiro ao 2 de marzo de 2026

C. A folla de servizos debe ser posterior á data de hoxe, polo tanto, do 8 de xaneiro de 2026 en adiante.

D. As validacións de sexenios obtidos previamente noutra universidade ou institución NON se rexerán polo procedemento anterior. Directamente se presentará a solicitude ante a Universidade de Vigo. Prazo do 9 ao 22 de xaneiro de 2026