Secretaría Uvigo
.:: Portal de avisos da Universidade de Vigo ::.
O Servizo de Prevención de Riscos Laborais, en colaboración co Servizo de Prevención Alleo (CUALTIS), organiza a campaña de vacinación antigripal 2025 dirixida ao persoal traballador da Universidade de Vigo.
Se está vostede interesado/a en vacinarse deberá encher o formulario que atopará accedendo á súa Secretaría Virtual na aplicación de "Formularios e Enquisas > Privadas > Solicitude de vacinación 2025" O prazo para solicitar a vacina remata o 30 de outubro de 2025.
Lembramos que esta vacinación vai dirixida a uns grupos de poboación diana cuxa descrición pode atopar na "Instrución campaña vacinación antigripal 2025" do SERGAS. A incorporación dos grupos da poboación diana será secuencial:
A partir do 10 de novembro
- Persoas de 60 e máis anos
- Persoas menores de 60 anos con patoloxías de risco
- Embarazo e puerperio
A partir do 1 de decembro
- Convivintes con persoas dos grupos de alto risco
- Resto de poboación
Os servizos de Vixilancia da Saúde comezarán a citar unha vez recibidas as doses.
A anulación da súa solicitude ou cita deberá realizarse enviando un correo electrónico ao enderezo sprl.administracion@uvigo.gal.
Nota: Vixilancia da Saúde non está autorizada para administrar a vacina contra a COVID-19.