Percentís para estatísticos de xogo por posto en xogadores internacionais de alto nivel
Autoría | David Chapela Pastoriza |
Data de defensa | 14/06/2017 |
Titulación | Grao en Ciencias da Actividade Física e do Deporte |
Centro | Facultade de Ciencias da Educación e do Deporte |
Dirección |
Titoría: Telmo Silva Alonso |
Tribunal |
Presidencia: José María Cancela Carral Vogalía: María de los Ángeles Fernández Villarino Secretaría: Rodolfo Ivan Martínez Lemos |
Resumo | Resumo O obxectivo do presente estudio foi elaborar os percentís de indicadores estatísticos de xogo máis relevantes en xogadores de balonmán internacional de alto nivel por posto específico (porteiro, extremo, pivote, lateral e central). A mostra obtívose das estatísticas oficiais do Campionato Mundial de Balonmán Masculino do 2015 celebrado en Qatar, analizando os xogadores (n=125) das 8 seleccións mellor clasificadas. Unicamente foron seleccionados xogadores cun mínimo de 5 partidos disputados e cunha media de xogo de 7 minutos por partido. Os estatísticos de xogo analizados foron: eficacia e número de lanzamentos de 6 metros, 9 metros, de contragolpe e en penetración, as asistencias, perdas, roubos, blocaxes, e minutos de xogo. Obtivéronse valores de referencia para cada indicador a partir do cálculo dos percentís P5, P25, P50, P75 y P95. Os resultados amosan que extremos e porteiro son os xogadores que máis minutos de xogo disputan; laterais e centrais os que máis lanzamentos realizan; os centrais son os distribuidores do xogo en ataque, cos valores máis altos tanto en asistencias como en perdas; os porteiros terán maior porcentaxe de acerto ante lanzamentos de larga distancia e con pouco ángulo, Estes percentís proporcionarán referencias de rendemento individual, útiles para a avaliación do rendemento en competicións de alto nivel. Palabras chave: percentís, rendemento en balonmán, análises de xogo. |