Desenvolvemento de dúas ferramentas para o deseño de rodamentos hidrodinámicos
Data de defensa | 14/09/2023 |
Titulación | Máster Universitario en Enxeñaría Industrial |
Centro | Escola de Enxeñaría Industrial |
Dirección |
Titoría: Eduardo Suárez Porto |
Tribunal |
Secretaría: José Luís Fernández Fernández Vogalía: José Benito Bouza Rodríguez Presidencia: Rafael Comesaña Piñeiro Vogalía: Abraham Segade Robleda Vogalía: Marcos Conde Fontenla |
Resumo | Este TFM trata do desenvolvemento a través de Matlab de dúas ferramentas para o deseño de rodamentos hidrodinámicos radiais, centrándose en concreto nas de tipoloxía típica para a súa aplicación no sector marítimo. A primeira, denominada R&B, baséase na creación dunha aplicación a través da interface Matlab AppDesigner para o cálculo de parámetros de funcionamento de rodamentos hidrodinámicos a partir das solucións obtidas polos autores Raimondi e Boyd e moi utilizadas no sector. A segunda ferramenta, denominada THD, parte do desenvolvemento das ecuacións vinculadas ao fenómeno hidrodinámico nos devanditos compoñentes para a creación dun código en Matlab que pretenda obter a solución das ecuacións diferenciais resultantes mediante o método de diferenzas finitas e representar os parámetros de interese que definirán o funcionamento do rodamento. Ademais, compararanse os resultados acadados por ambas ferramentas cos obtidos a partir de modelos análogos resoltos no software ANSYS e os datos extraídos dun banco de probas de rodamentos da empresa Svenska Bearing. A partir desta comparación, avaliarase o rendemento de ambas ferramentas e proporanse vías de mellora. |