Desenvolvemento dun banco de ensaios de intercambiadores de calor para refrixeración líquida de dispositivos electrónicos.
| Data de defensa | 13/09/2023 |
| Titulación | Grao en Enxeñaría Biomédica |
| Centro | Escola de Enxeñaría Industrial |
| Dirección |
Cotitoría: Rubén Diz Montero Titoría: José Ignacio Iglesias Prado |
| Tribunal |
Vogalía: Francisco Rodríguez Castro Presidencia: María Cristina Trillo Yáñez Secretaría: Iria Feijoó Vázquez |
| Resumo | O crecemento significativo da industria electrónica nos últimos anos acentuou a problemática derivada da refrixeración de tales dispositivos. A cada vez maior miniaturización dos semiconductores conlevou un aumento dramático da xeración de calor, o que acurta a súa vida útil e fai empeorar o seu rendemento. Actualmente, os métodos convencionais para a disipación de calor empregan aire como medio de intercambio de calor, o cal posúe baixos coeficientes de convección, que impiden a retirada de toda a enerxía térmica emitida polo dispositivo. Unha alternativa que se propuxo nos últimos anos é o emprego de nanofluídos para o seu uso en sistemas de refrixeración líquida de dispositivos electrónicos. Estes nanofluídos son dispersións de materiais nanométricos en determinados fluídos base e presentan propiedades físicas melloradas para a tranferencia de calor. Para verificar esta mellora dos nanofluidos na disipación de calor, este Traballo de Fin de Grao encargarase de estudar o proceso de transferencia de calor dun sistema de refrixeración líquida de dispositivos electrónicos mediante fluídos convencionais e/o nanofluidos. Para lograr tal fin, desenvolverase experimentalmente un banco de ensaios que permita analizar a influencia de diferentes parámetros de interese na transferencia de calor. En primeiro lugar, se selecionarán os compoñentes hidráulicos, electrónicos e de instrumentalización para o seu posterior deseño do banco de ensaios. Seguidamente, efectuarase a montaxe do mesmo, así como a súa posta a punto e validación. Por último, faranse probas con fluídos convencionais e/o nanofluidos para determinar o seu comportamento no proceso de transferencia de calor. Adicionalmente ao desenvolvemento do banco de ensaios, simularase numericamente o proceso de intercambio de calor con software de dinámica de fluídos computacional. Finalmente, a simulación validarase mediante a comparación cos resultados obtidos experimentalmente. |