Revitalización das actividades de mellora continua nunha empresa do sector da automoción.
| Data de defensa | 15/09/2023 |
| Titulación | Grao en Enxeñaría en Organización Industrial |
| Centro | Escola de Enxeñaría Industrial |
| Dirección |
Titoría: Arturo José Fernández González |
| Tribunal |
Secretaría: María de los Angeles Sandoval Pérez Presidencia: Begoña Urgal González Vogalía: Antonio Fernández Álvarez |
| Resumo | Este Traballo Fin de Grao céntrase na revitalización das ferramentas do Management Control que quedaron en desuso nás distintas áreas (embutición, ferraxe, pintura, montaxe, calidade e loxística) dunha empresa do Sector da Automoción en Vigo. O Management Control é un proceso de mellora continua que permite ós traballadores de forma diaria/semanal/mensual reaccionar, medir, priorizar e resolver problemas, comprender a actividade e así tomar as mellores decisións en cada nivel. A primeira parte do proxecto consiste en analizar a situación inicial, para iso explícase polo míudo a función de cada unha das ferramentas de Management Control, que soportes de xestión visual utilizan, quen se encarga de levalas a cabo e como. A continuación, avalíase o grao de utilización de cada unha nas distintas áreas. Unha vez estudados os resultados, realízanse reunións cos responsables de cada quenda, para proponer accións de mellora e ó mesmo tempo escoitar as súas suxestións, co obxectivo de adecuar da mellor forma posible os taboleiros á unidade elemental de traballo. Finalmente, compróbase a efectividade das medidas adoptadas no terreno, observando a correcta comprensión e animación das mesmas por parte de todos os traballadores, xa que son parte fundamental da organización. |