Deseño da electrónica para a adquisición de sinais de electroencefalografía
| Data de defensa | 15/09/2023 |
| Titulación | Grao en Enxeñaría en Electrónica Industrial e Automática |
| Centro | Escola de Enxeñaría Industrial |
| Dirección |
Titoría: Ángel Manuel Fernández Vilán Cotitoría: Carlos Riveiro Cedeira |
| Tribunal |
Vogalía: Amador Rodríguez Diéguez Presidencia: Francisco Rodríguez Castro Secretaría: Daniel Villanueva Torres |
| Resumo | Neste momento, os sinais emitidos polo cerebro, os electroencefalogramas (EEG), están sendo utilizados cada vez con máis frecuencia, xa que estes sinais permiten facer un seguimento preciso das distintas enfermidades neurolóxicas, como pode ser o caso da epilepsia. Ademais, obter o sinal do EEG non só ten un uso clínico, senón que tamén pode ser usado para o seguimento da vida cotiá, como medir a concentración, o estrés, as horas de sono... entre outras moitas funcións. Destacar que tamén se podería usar para os sistemas BCI (Interfaces Cerebro Ordenador), unha tecnoloxía que pretende controlar os diferentes dispositivos electrónicos coa actividade cerebral, sen necesidade de outros periféricos como teclados ou ratos. Actualmente, medir os sinais EEG é moi custoso e difícil de conseguir. Isto débese a que estes sinais son extremadamente débiles, do orde de microvoltios, polo que calquera ruído ou interferencia electromagnética provoca que a medición non sexa precisa. Por isto, as medidas de EEG realízanse en salas de hospital acondicionadas e perfectamente illadas das interferencias, con maquinaria cuxos prezos son incriblemente altos. Neste traballo preténdese conseguir un sinal EEG o máis preciso posible sen necesidade de estar nunha sala acondicionada, a un custo mínimo. Para lograr isto, necesitarase deseñar un circuíto analóxico que sexa capaz de amplificar e filtrar o sinal para despois poder ser dixitalizado. Unha vez dixitalizado, enviarase a través dun microcontrolador por bluetooth a outro dispositivo onde se procesará toda a información. |