| Resumo | Este traballo consiste na recollida e na posterior análise de topónimos e microtopónimos de Valcarría, Landrove, San Pedro, Santo Andrés de Boimente, Chavín e Magazos, todas elas parroquias de Viveiro. A fonte principal son escrituras e partillas antigas, mais tamén se empregou o saber popular á hora de recoller e compilar estes nomes de lugar. Algún destes topónimos e microtopónimos foron castelanizados no século XX, polo que gran parte deste traballo consiste tamén en determinar a forma galega e idiomática de cada un deles. Ademais, cómpre aproveitar a existencia de Galicia Nomeada, unha plataforma que recompila topónimos e microtopónimos de toda Galicia e, por iso, todos estes nomes de lugar serán engadidos a esta plataforma en liña, para asegurar así a súa continuidade. |