Resumo | Este traballo é unha crítica á saga After, escrita por Anna Todd, e á súa adaptación cinematográfica, dirixida por Jenny Gage. Nel analízanse diversos aspectos de After que se consideran prexudiciais para a sociedade, especialmente para as novas xeracións que son facilmente influenciables. Ademais, preséntanse os riscos asociados a estes aspectos e propóñense posibles solucións para mitigalos. Estes argumentos compleméntanse cos resultados dunha enquisa, os cales nos axudan a coñecer a perspectiva dos participantes sobre algúns dos temas aquí abordados. Polo tanto, o obxectivo deste traballo é crear conciencia na sociedade sobre estes aspectos negativos, asegurando así que as futuras xeracións non os interioricen nin os repitan.
|