Aplicación da teledetección sobre os efectos do confinamento por COVID 19 sobre parámetros químicos das aguas superficiales da Ría de Vigo
Data de defensa | 28/09/2022 |
Titulación | Grao en Ciencias do Mar |
Centro | Facultade de Ciencias do Mar |
Dirección |
Cotitoría: Íñigo Cuiñas Gómez Titoría: María de los Ángeles Peña Gallego |
Tribunal |
Secretaría: Francisco Javier García Cutrín Vogalía: José Jorge Domínguez Martín Presidencia: Ramiro Alberto Varela Benvenuto |
Resumo | O presente estudo foi deseñado para determinar se houbo variacións na calidade das augas da ría de Vigo como consecuencia do confinamento poboacional provocado polo COVID-19. A fluorescencia da zona de estudo avaliouse mediante dous métodos pertencentes a diferentes disciplinas: datos físico-químicos obtidos cunha sonda multiparámetro CTD e datos de imaxes de satélite. O uso de dúas técnicas permitiu non só a verificación da hipótese do estudo senón tamén a verificación da correlación existente entre elas. As evidencias derivadas do estudo suxiren que non houbo variacións significativas nos valores de concentración de clorofila entre o ano 2020 (ano do confinamento) e os anos 2018, 2019 e 2021. Polo tanto, non se pode confirmar que o confinamento poboacional provocou un impacto na calidade da auga da ría de Vigo. Este é un resultado positivo dende o punto de vista ambiental, xa que significa que o impacto antrópico na ría de Vigo non é o suficientemente forte como para ser decisivo. Por outra banda, atopouse unha relación polinómica de orde 4 entre ambas as técnicas empregadas, o que abre a posibilidade de utilizar unha cando a outra non está dispoñible. |