Identificación e control dun bioproceso de produción de proteínas mediante unha comunidade microbiana.
| Data de defensa | 14/09/2022 |
| Titulación | Grao en Enxeñaría en Electrónica Industrial e Automática |
| Centro | Escola de Enxeñaría Industrial |
| Dirección |
Titoría: Alejandro Fernández Villaverde |
| Tribunal |
Presidencia: Rafael Verdugo Mates Vogalía: Marcos Conde Fontenla Secretaría: Manuel Castro Menendez |
| Resumo | Este Traballo de Fin de Grao basearase na análise dun bioproceso de produción de proteínas no que formarán parte dous tipos de bacterias. A primeira das cepas é consumidora de glicosa e secretora de proteína (o produto de interese) e de acetato (subproduto tóxico). Para evitar o efecto inhibidor do crecemento das bacterias do acetato e intentar aumentar o rendemento do bioproceso, engádese outra cepa consumidora de acetato. O proceso anteriormente citado está descrito mediante ecuacións diferenciais no artigo ?Produción mellorada de proteínas heterólogas por unha comunidade microbiana sintética: condicións e compensacións? de Marco Mauri, Jean-Luc Gouzé, Hide de Jong e Eugenio Cinquemaní que será empregado como base do TFG. A partir das ecuacións implementarase un modelo co que traballaremos ao longo de todo o traballo. En primeiro lugar analizaremos a súa observabilidade, identificabilidade e controlabilidade. Tras isto, procederemos á súa linealización, con obxectivo de simplificalo e consecuentemente simplificar tamén a posterior tarefa de deseño de controladores e comparación de estratexias de control. Para todo isto, empregarase como ferramenta de traballo o programa Matlab. O modelo resultante será finalmente usado para o deseño e simulación de controladores P, PI, PD e PID en tempo continuo. Os resultados obtidos das diferentes arquitecturas serán analizados e o controlador máis adecuado será pasado a tempo discreto. Valorarase a necesidade de implementar un estimador de estado. Finalmente farase a súa realización dixital. |