Control de calidade mediante visión artificial nunha liña de mesados de aglomerado
| Data de defensa | 14/09/2022 |
| Titulación | Máster Universitario en Enxeñaría Industrial |
| Centro | Escola de Enxeñaría Industrial |
| Dirección |
Titoría: Enrique Paz Domonte |
| Tribunal |
Vogalía: Luis Eduardo Eguizábal Gándara Presidencia: Celso Fernández Silva Vogalía: Juan Sáez López Secretaría: María Cristina Trillo Yáñez |
| Resumo | Unha empresa galega dedicada á transformación da madeira dispón, nunha das súas naves, dunha liña de acabado de mesados de aglomerado. Nela prodúcese o postformado do canto visible do taboleiro, dándolle certa curvatura, para posteriormente encolar sobre el a melamina decorativa. Durante a execución deste proceso poden producirse distintos defectos estéticos sobre o produto final como roturas, marcas de queimaduras ou, directamente, non pegado do papel, entre outros. O problema actual reside na alta cantidade de mesados defectuosos que saen da liña, os cales son desbotados. Ademais, o control de calidade executado sobre o produto é realizado visual e manualmente por un operario, quen realiza múltiples tarefas á vez. O obxectivo do proxecto é, entón, propor un sistema de control de calidade que detecte automaticamente ditos defectos mediante técnicas de visión artificial, coa axuda de equipos como cámaras e perfilómetros láser. Así, conseguirase liberar ao operario desta repetitiva tarefa de inspección, podendo dedicarse a outras funcións máis produtivas como é a regulación da estación de encolado, clave para conseguir un correcto pegado das melaminas, coa intención final de diminuír a porcentaxe de mesados de aglomerado desbotados. |