Análise da aplicación de escaneado tridimensional para determinación xeométrica de peito en mamoplastia
| Data de defensa | 16/09/2022 |
| Titulación | Grao en Enxeñaría Biomédica |
| Centro | Escola de Enxeñaría Industrial |
| Dirección |
Titoría: Rafael Comesaña Piñeiro Cotitoría: Bruno Gago Vidal |
| Tribunal |
Vogalía: Juan María Pou Saracho Presidencia: Antonio Riveiro Rodríguez Secretaría: Xavier Nóvoa Conde |
| Resumo | O presente Traballo Fin de Grao recolle a análise do uso de escáneres láser nos procesos de reconstrución mamaria co obxectivo de facilitar a planificación cirúrxica ao persoal sanitario. Trátase de avaliar a adecuación do uso destes dispositivos no ámbito médico, así como de obter medidas obxectivas que sirvan de apoio no proceso operatorio. Na actualidade, malia o incremento no número de intervencións de mamoplastia, obsérvase insatisfacción en gran parte dos casos. Esta situación pode deberse á dificultade do cirurxián de avaliar de forma obxectiva o volume e forma dos seos. Este traballo xorde debido á necesidade de proporcionar un método obxectivo e fiable de cálculo do volume mamario, baseado na recollida de datos e o seu posterior procesado.De este xeito, preténdese establecer un procedemento que permita adaptar a intervención cirúrxica ás características anatómicas de cada paciente. Tras realizar unha procura na literatura acerca dos procedementos existentes na actualidade, o emprego de escáneres láser é o método de elección para a análise no presente documento. En primeiro lugar, farase uso de dispositivos de escaneado presentes no laboratorio, para avaliar a súa utilidade e implantación na consulta médica. Para iso, recolleranse datos procedentes de diferentes manequíns, o que permitirá obter unha nube de puntos tridimensional coa que poder traballar. A continuación, e empregando a ferramenta Matlab, comezarase coa análise e desenvolvemento dun código que permita obter información sobre a forma e o volume do seo, así como das características de curvatura do mesmo. De esta maneira, preténdese extraer a maior cantidade de información das nubes obtidas co fin de proporcionar ao cirurxián parámetros de interese á hora de reconstruír a mama ou incorporar unha prótese. Finalmente, avaliarase a fiabilidade dos resultados obtidos, realizando medidas en pacientes reais. |