Deseño de extrusora de manteiga de doble parafuso sin fin para baixos volumes de producción
| Data de defensa | 16/09/2022 |
| Titulación | Grao en Enxeñaría en Tecnoloxías Industriais |
| Centro | Escola de Enxeñaría Industrial |
| Dirección |
Titoría: Abraham Segade Robleda Cotitoría: David Suárez Eiroa |
| Tribunal |
Presidencia: Pablo Izquierdo Belmonte Vogalía: José Manuel Fernández Álvarez Secretaría: Jacobo González Baldonedo |
| Resumo | Este proxecto nace como resposta ás necesidades de aumento de produción e rendementos requiridos pola empresa Casa Grande de Xanceda, con perspectivas de incrementar a súa produción de manteiga ecolóxica. Actualmente emprégase unha extrusora de pistón cunha capacidade de produción moi limitada e elevada man de obra auxiliar ao proceso. Na conxuntura actual e futura de aumento da demanda deste produto, a empresa busca incrementar notablemente a produción, reducir os tempos mortos do proceso e automatizar o proceso. Por tanto, este proxecto consiste en estudar a estado da arte das extrusoras no sector alimentario, e tamén en sectores que utilicen tecnoloxías similares ( polímeros, cerámica...). Posteriormente definir o comportamento do fluído a extruir (a manteiga). En base a isto e aos requirimentos de produción (caudal, dimensións da matriz extrusora...) calcular e deseñar mecanicamente os elementos móbiles da extrusora (sen fins, eixos, transmisión, motor...). Finalmente dimensionar os elementos estruturais (cámara extrusora, bastidor...). Unha vez finalizado o deseño, e debido ao carácter práctico do proxecto, procederase a realizar o orzamento da máquina. Os obxectivos deste TFG son; deseñar unha extrusora de fluxo continuo que cumpra cos requirimentos de produción, reducindo ao máximo a necesidade de man de obra, tanto durante o ciclo de funcionamento como para a posterior limpeza, desinfección e mantemento. Ademais, búscase un deseño óptimo e económico, que resulte nunha máquina competitiva no mercado. |