Resumo | O obxectivo deste traballo é averiguar o interese dos polacos e polacas pola lingua e culturas hispanas, que aspectos lles chaman máis a atención sobre estas para decidir aprendelas. Demostraremos un contexto socioeconómico actual do país e, máis concretamente, un contexto sobre a rexión da Gran Polonia e a cidade de Poznań. Prestaremos tamén atención ao sistema educativo polaco e a importancia que teñen as linguas estranxeiras neste, sobre todo o español. Ademais e mediante unha enquisa ao alumnado de español do centro de linguas Kontakt CJO, coñeceremos de primeira man a súa opinión sobre a aprendizaxe de linguas, o ensino e as súas impresións sobre a nosa lingua e culturas. |