Modelado dunha ponte histórica de aceiro e análise da capacidade portante da estrutura fronte ao grao de corrosión respecto ao paso do tempo
| Data de defensa | 16/11/2021 |
| Titulación | Grao en Enxeñaría Mecánica |
| Centro | Escola de Enxeñaría Industrial |
| Dirección |
Titoría: Manuel Cabaleiro Núñez |
| Tribunal |
Secretaría: Adrián Pérez Riveiro Presidencia: Pablo Izquierdo Belmonte Vogalía: Abraham Segade Robleda |
| Resumo | O traballo consiste na modelaxe da ponte en programas 3D e a súa posterior análise estrutural. Desta forma, a función principal é determinar a capacidade portante da estrutura fronte á corrosión co paso do tempo e confirmar se é posible que continúe realizando a tarefa de soportar as cargas correspondentes aos vagóns do tren ás que está sometido. A corrosión é o deterioro que sofren os elementos estruturais por ataques electroquímicos dos seus arredores, mediante o fenómeno da oxidación, aumentando a súa presenza en ambientes húmidos, por exemplo sobre un río, como é este caso. A corrosión implicará unha redución do espesor do perfil metálico afectado. A ponte encóntrase entre as localidades de Vilagarcía de Arousa e Caldas de Reis, concretamente nunha aldea chamada Paraíso. Dita estrutura serve para conectar as dúas beiras do río Umia e foi construída a finais do S.XIX, exactamente, no ano 1897. Para a realización do traballo utilizáronse varios programas como CloudCompare, SolidWorks e Ansys. A través deles, leváronse a cabo tarefas como a toma de medidas, a modelaxe 3D da estrutura e a análise estrutural, tendo en conta o estado vibracional natural da ponte. A estrutura estudiarase de dúas formas. A primeira delas será analizando a ponte sen corrosión e a outra formularase supoñendo varias hipóteses con corrosión en determinados nudos que pasarán de ser ríxidos a articulados, debido a que son as zonas nas que máis se detecta a corrosión. |