Optimización dos parámetros de impresión 3D do polímero ABS reforzado con fibra de carbono.
| Data de defensa | 18/11/2021 |
| Titulación | Grao en Enxeñaría Mecánica |
| Centro | Escola de Enxeñaría Industrial |
| Dirección |
Titoría: Iria Feijoó Vázquez Cotitoría: Silvia Gomez Barreiro |
| Tribunal |
Vogalía: María Consuelo Pérez Vázquez Presidencia: María Cristina Trillo Yáñez Secretaría: Francisco Javier Deive Herva |
| Resumo | Dentro das tecnoloxías de fabricación aditiva, o modelado por deposición fundida (FDM) é unha das que están a experimentar un maior crecemento nos últimos anos. Isto débese á súa simplicidade de operación, ó seu alto grado de adaptabilidade e á democratización das impresoras 3D, cuxa tecnoloxía é cada vez mais avanzada e accesíbel, permitindo a impresión de materiais con mellores propiedades mecánicas e térmicas. Concretamente, os materiais compostos de matriz polimérica son aqueles que contan con mellores perspectivas futuras, xa que aportan unha mellora de resistencia química e mecánica sen incorrer nun aumento significativo da densidade. Neste traballo, estudiarase a influencia de diferentes parámetros de impresión nas propiedades mecánicas e térmicas finais dun material composto de matriz termoplástica: ABS (acronitrilo butadieno estireno), reforzado con fibra de carbono. Para isto, se fabricarán as mostras utilizando a impresora 3D Ultimaker 3, a diferentes temperaturas de extrusión, dentro do rango recomendado para o material, ca fin de obter unha boa adhesión. Tamén se variarán a velocidade de impresión e a altura de capa para asegurar a obtención de probetas libres de defectos e cunha boa calidade superficial. Outras variables que se estudarán para optimizar o resultado serán a porcentaxe de recheo (infill), o patrón que terá dito recheo e a orientación da impresión das probetas respecto da placa quente. A caracterización dos exemplares levarase a cabo mediante unha análise térmica utilizando as técnicas de termogravimetría, ou TGA, e a calorimetría diferencial de barrido, ou DSC. Así mesmo, tamén serán evaluadas as propiedades mecánicas a tracción segundo a norma UNE EN ISO 527-2, e as propiedades de impacto mediante o ensaio Charpy (norma UNE EN ISO 127-1). Finalmente, as seccións transversais das probetas serán observadas para analizar a rotura e os efectos do reforzo de fibra de carbono na morfoloxía das mostras. Dito proceso lévase a cabo nos laboratorios da Área de Ciencia de Materiais na Escola de Enxeñería Industrial da Universidade de Vigo. A partir dos resultados obtidos, evaluarase o efecto dos parámetros de impresión no comportamento de este polímero reforzado con fibra de carbono. |